影片
更多
2023-01-08
204 浏览
放假同屋企人行去海傍揾嘢食，见Donki隔离条巷好多食店，见呢间Fish n Chick比较光鲜同埋多人就入去食。虽然我一家人多纳集嘢，但三大两细都仍然坐得舒服。午餐价钱合理，拣咗四个set lunch：煎鲷鱼配杂菜、炸比目鱼配薯条、半只香草烤鸡、与及卡邦尼意粉。另加白酒汁煮蚬。比目鱼肉质鲜嫩多汁，皮薄香脆可口，蘸上估计加咗酸瓜碎的沙律酱，我觉得好夹味好好味。而我老婆话呢种就系去外国旅行时啲炸鱼既味道。咁即系咩味道？总之大家意会啦。而小朋友就最钟意食薯条。煎鲷鱼卖相立体好看，鱼皮煎脆咗好香，肉味浓，配洋葱三色椒等杂菜味道也很配合，而且只碟有花心思装饰过，真系色香味俱全。呢个味道我识形容啦，就系去高级西餐厅食煎鱼main course 时有啲卖相的味道。烤鸡就皮香肉滑，唔会榎歰歰（鞋烚烚）咬落有鸡汁夹少少鸡油流出，唔会好重香草味，可以食出鸡香。而鸡皮都烤出大部份油唔滞口，所以我也忍不住连皮都食埋。问职员啲鸡好食系咩地方的鸡？得知系清远鸡，唔怪之得。而卡邦尼意粉就无需形容，都系有蛋黄、忌廉、洋葱、烟肉、芝士。但食落我觉得不错唔油腻唔滞口，我老婆就好钟意，佢话成餐最钟意个意粉，有酒店食卡邦尼
午餐价钱合理，拣咗四个set lunch：煎鲷鱼配杂菜、炸比目鱼配薯条、半只香草烤鸡、与及卡邦尼意粉。另加白酒汁煮蚬。
比目鱼肉质鲜嫩多汁，皮薄香脆可口，蘸上估计加咗酸瓜碎的沙律酱，我觉得好夹味好好味。而我老婆话呢种就系去外国旅行时啲炸鱼既味道。咁即系咩味道？总之大家意会啦。而小朋友就最钟意食薯条。
煎鲷鱼卖相立体好看，鱼皮煎脆咗好香，肉味浓，配洋葱三色椒等杂菜味道也很配合，而且只碟有花心思装饰过，真系色香味俱全。呢个味道我识形容啦，就系去高级西餐厅食煎鱼main course 时有啲卖相的味道。
烤鸡就皮香肉滑，唔会榎歰歰（鞋烚烚）咬落有鸡汁夹少少鸡油流出，唔会好重香草味，可以食出鸡香。而鸡皮都烤出大部份油唔滞口，所以我也忍不住连皮都食埋。问职员啲鸡好食系咩地方的鸡？得知系清远鸡，唔怪之得。
而卡邦尼意粉就无需形容，都系有蛋黄、忌廉、洋葱、烟肉、芝士。但食落我觉得不错唔油腻唔滞口，我老婆就好钟意，佢话成餐最钟意个意粉，有酒店食卡邦尼的味道。咁即系点？大家自行理解吧。
另外我就最钟意白酒汁煮蚬，蚬肉新鲜嫩滑香甜，有少少辣特别惹味。试饮蚬汁虽然有少少咸，但因为辣辣地仲有浓香蚬味，所以我都饮咗好多匙羹蚬汁。
饮品方面，海盐柠檬梳打酸酸咸咸几得意爽口、鲜榨柠檬热饮就够晒健康、热姜味柠檬蜜糖茶就香口惹味、鲜榨橙汁我个仔话好饮（我谂佢甜甜哋乜都话好饮吧，haha）。
而餐厅环境舒适，邻近海滨长廊同Donki Donki方便散步行街，旁边便是商场洗手间又十分寛敞干净。整体感觉舒适惬意，实享受休闲假日的用餐好地方。
张贴
