蝦立方休閒娛樂釣蝦場

营业中

休息中

第一次写食评好似写旅游介绍咁喺商业大厦开嘅钓虾场的确系爽嘅，喺大热天时，有充足嘅冷气、有嘢饮、有嘢食又有得玩，个厕所都行几步就到，就算一家大细、情侣、闺蜜、兄弟班都啱玩。佢一共有两个池，每个池都够十几廿人一齐钓每人一支钓竿（有两个钩）同一个盘，个盘上面有个夹同虾仔、毛巾。入场会有职员教你点样将虾仔上钩同点样钓。同埋见到其他人会带私家竿嚟钓，不过都应该只限两个钩。开头几只都会比佢走甩，但当掌握到个技巧就会陆续有收获。同埋佢哋每个钟都好似会加两次虾，所以入面系有足够嘅饿虾嘅。两个钟钓到十几只，都有斤几重。钓完嘅虾你可以选择白灼或盐烧，如果有一斤以上可以加$50做其他口味。今次拣咗佢哋推介嘅奶油味，佢哋会帮你剪晒啲须须脚脚。奶油好香又唔油腻，食到虾嘅鲜味之余亦满咀奶油香，好食。佢哋都有供应其他小食比大家选择。下次要同未玩过嘅人嚟玩，一来可以威吓，二来试埋佢其他口味。呢度以每小时收费，想玩几耐就自己选择。