影片
更多
2017-11-10
1545 浏览
由义大利番香港三个星期后仲未想食西餐🤷🏿♀️ 约左老朋友周末喺尖沙咀饭聚，拣左之前杂志介绍过、新开既中泰越餐厅 皇后小聚。喺加连威老道近The One有门口可搭电梯到一楼既餐厅。餐厅装潢好有设计感，有卡位、长枱或圆枱，一大班人或三五好友食饭都可以。事先已经订左枱，不过可能新开张加上楼上舖关系，唔算好多人，周末都唔full呢。坐得舒服又唔嘈，我地足足食左两个几钟😆翻开menu，发现唔可以叫佢做fusion菜 - 餐厅只系同时提供中菜、泰菜、越菜呢。越菜选择少，主菜较多系中式，厨师推介既时令菜单比较吸引；侍应会好热心介绍主打菜色。落单后上菜好快！先食冷盘 青木瓜沙律 - 青木瓜刨得好幼好薄，加上花生碎同芝麻令味道冇咁单调。清新酸甜，系我杯茶😛 如果可以加入青芒果丝就更好。越式扎肉蒸粉包 - 一碟得三只，我冇食到粉包。不过拌碟既腌萝卜、腌椰菜好爽脆，清晒！招牌瑶柱鸡(半只) 、另加油饭 - 份量适合四至六人。有啲似白切鸡不过入味好多，就算系鸡胸都唔会鞋，点附送既葱油或泰式酸辣醋汁好夹。油饭软硬适中，合格。冬荫海鲜汤 $238 - 推介呀！闻到已经食指大动！足够分五碗，有原只鲜虾、青口、蘑菇、
餐厅装潢好有设计感，有卡位、长枱或圆枱，一大班人或三五好友食饭都可以。事先已经订左枱，不过可能新开张加上楼上舖关系，唔算好多人，周末都唔full呢。坐得舒服又唔嘈，我地足足食左两个几钟😆翻开menu，发现唔可以叫佢做fusion菜 - 餐厅只系同时提供中菜、泰菜、越菜呢。越菜选择少，主菜较多系中式，厨师推介既时令菜单比较吸引；侍应会好热心介绍主打菜色。
落单后上菜好快！先食冷盘 青木瓜沙律 - 青木瓜刨得好幼好薄，加上花生碎同芝麻令味道冇咁单调。清新酸甜，系我杯茶😛 如果可以加入青芒果丝就更好。
青木瓜沙律
21 浏览
0 赞好
0 留言
越式扎肉蒸粉包 - 一碟得三只，我冇食到粉包。不过拌碟既腌萝卜、腌椰菜好爽脆，清晒！
招牌瑶柱鸡(半只) 、另加油饭 - 份量适合四至六人。有啲似白切鸡不过入味好多，就算系鸡胸都唔会鞋，点附送既葱油或泰式酸辣醋汁好夹。油饭软硬适中，合格。
招牌瑶柱鸡(半只)
21 浏览
0 赞好
0 留言
冬荫海鲜汤 $238 - 推介呀！闻到已经食指大动！足够分五碗，有原只鲜虾、青口、蘑菇、葱姜九层塔等大量泰式香料，同出面啲冬荫功比好鲜味！系我全晚最欣赏既一度菜😍冇最正宗既咁辣，食唔到辣野既人都可以浅尝。
冬荫海鲜汤
21 浏览
1 赞好
0 留言
虾球蛋花咖哩、另加蒜茸包 - 虾球系炸大虾，比冬荫功既虾厚肉一倍，啖啖肉几爽口，系我唔特别喜欢炸物🙈 第一次食蛋花咖哩，味道普通唔算好泰式㖞🤔 蒜茸包有五片，厚度只比普通白面包稍厚，与上星期喺旺角青花既相比差太远呢。
虾球蛋花咖哩
37 浏览
0 赞好
0 留言
鲜鱼汤杞子浸菜心 $98 - 菜心点整都唔会难食，重点喺鱼汤度 -- 又系劲鲜！杞子为鲜鱼汤加上一抹甜，收碗时已见碗底。
芒果糯米饭 $48 - 好细好细碟，只系茶杯碟既size，只有三块芒果、两羹少得可怜既白糯米饭，全晚败笔。pathetic到完全唔记得影相😑九龙城泰国杂货店$15一盒都好食过、大份过佢一倍👎🏻
唔记得影menu/receipt，好多菜式都唔太记得价钱，只记得有茶介、埋单每人$250，可接受。如果喺尖沙咀想一班人舒舒服服坐低食泰国野，依度系唔错既地方，不过某几款食物唔值得试啦。
张贴
