和牛88

营业中

休息中

和牛88以前嘅晚市系无套餐嘅，可能依家搬到鲗鱼涌更接近民居，所以改一改作风徇众要求推出晚市套餐， 你话点可以唔去试下呢?😄一人份晚餐有沙律+主菜+小食+汽水，价钱由$128-$278，睇你拣咩主菜，特色梳打另加$10, 雪糕就另加$18。我今次就叫咗红酒牛脷饭($128)。 先上嘅系沙律，食材新后鲜，味道唔错。 再嚟系小食牛肉薯饼，炸得松脆可口，唔会油淋淋。 饮品系荔枝梳打， 味道正常。终于到主菜上啦， 牛脷切到一粒粒煮得好软好淋，仲有几块刚刚炸好嘅薯角， 食物个汁嘅味道都好夹， 的确系水准之作!星期五夜晚七点钟都只系得3-4台客，10个人都无， 香港人去晒边? 真系返哂深圳搞夜经济?附近嘅居民可以去支持下本地有心制作食物嘅小店。 对区外客而言，地点都算就脚呀，离开太古城站B出囗行大约5分钟，又有巴士电车小巴，其实都好方便。