相撲手日式放題 (已結業)

本来朋友话想去一啲串烧餐厅食嘢，但系我就想食生冷野，最尾都系决定食返最多选择嘅放题，起码每人想食咩都可以自己选择，唔一定要跟本身餐厅嘅风格。餐牌乜都有啲，设计得有几靓，外观一目了然。烧番薯仔同埋脆皮肠都系我哋嘅最爱，脆皮肠整得几得意，咸香十足。烧番薯仔就好甜，两者都系细细粒，一口一粒非常方便。另外梗系唔少得刺身啦！刺身都算系放题之中嘅灵魂，因为刺身成本较高，而且系唔系新鲜或者用料靓唔靓一食就知。我最爱食嘅甜虾果然甜美满分，而且亦十足鲜味，食落爽口够清新。寿司就夹杂着熟悉同埋生食，最特别最令人记得嘅就系鹅肝寿司同埋和牛寿司，鹅肝差唔多入口即溶，反而和牛就普通少少，虽然半生半熟但系口感一般软熟。不过特色已经令人赞叹。