意粉 360 (已結業)

星期五晚饭时间去到, 都唔洗得位, 餐厅都算大, 环境都算舒服干净。食物有好多选择, 我地两个人叫左一个意粉, 一个饭同一个菜, 本身仲想试下甜品, 但佢D野食都大碟, 食到几饱。黑松露石锅炒野菜卖相几好, 可能因为用石锅睇落唔错。几香黑松露味, 野菜种类都多, 唔会话好似某D餐厅净系得椰菜咁颓。胡麻酱烤鸡肉意大利粉呢个意粉睇落冇咩特别, 但食落几得意, 用胡麻酱, 系几开胃。但D鸡肉有D"鞋", D菇都略嫌太少, 食多几啖就会似就咁麻酱捞意粉。西班牙黑毛猪生姜烧野菜热石锅饭睇落个卖相唔错, 听落个名都好劲, 西班牙黑毛猪, 食落都ok既但又唔系特别好食, D饭都ok, 唔会好硬身或者太淋。整体黎讲冇咩惊喜, 中规中矩咁, 系份量唔细, 一人一个饭/意粉已经好够饱。