影片
更多
2016-12-29
4754 浏览
今日试下食丽豪酒店入面呢间自助餐。 用咗优惠券，佢原价都唔平㗎。我呢到都觉得几新鲜嘅，但系去到睇到其实选择都系比较少。室内嘅就有少少寿司啦，刺身啦，热食啦，一个炒饭，一个炒面。点心就有流心包同珍珠鸡。有芝士，有几款咖哩，你可以配佢𠮶啲印度饭，又或者佢有印度薄脆 。小食有春卷。 我开始见到有个羊架嘅物体， 但系有人拎紧咁我迟啲先拎，点知好快清晒，佢再上嘅时候我又攞一个嚟食啦， 真系好大浸羊骚味， 再提醒其实我唔钟意食羊。有一煲朱古力，可以畀人沾啲士多啤梨/ 棉花糖/...落去。食咗一两旧，唔小心沾得太多觉得好腻。其实寿司都算少款，得好似三款。呢三款以外有几款加洲卷ge物体。有一个杯装住啲面， 以为系冷面，但系啲面都几硬下，都唔知咩嚟。本来都想试下啲饭或者面嘅 ，但系得咁少选择，𠮶饭系好普通嘅炒饭，跟住面就系好普通嘅豉油王炒面，觉得好求其啰，又费事则饱个肚，所以都冇食到。点心都好求其，有两个蒸笼，一个装珍珠鸡，一个装流沙包 ，但系呢两款都真系好普通啰，我自己屋企都成日食珍珠鸡，点解要黎呢度食呢。 所以我觉得呢个自助餐系比较适合外地人食啰，而本地人食番自己本地野会觉得好闷啰，呢度都几多本地嘢
室内嘅就有少少寿司啦，刺身啦，热食啦，一个炒饭，一个炒面。点心就有流心包同珍珠鸡。有芝士，有几款咖哩，你可以配佢𠮶啲印度饭，又或者佢有印度薄脆 。小食有春卷。
我开始见到有个羊架嘅物体， 但系有人拎紧咁我迟啲先拎，点知好快清晒，佢再上嘅时候我又攞一个嚟食啦， 真系好大浸羊骚味， 再提醒其实我唔钟意食羊。
有一煲朱古力，可以畀人沾啲士多啤梨/ 棉花糖/...落去。食咗一两旧，唔小心沾得太多觉得好腻。
其实寿司都算少款，得好似三款。呢三款以外有几款加洲卷ge物体。有一个杯装住啲面， 以为系冷面，但系啲面都几硬下，都唔知咩嚟。
本来都想试下啲饭或者面嘅 ，但系得咁少选择，𠮶饭系好普通嘅炒饭，跟住面就系好普通嘅豉油王炒面，觉得好求其啰，又费事则饱个肚，所以都冇食到。
点心都好求其，有两个蒸笼，一个装珍珠鸡，一个装流沙包 ，但系呢两款都真系好普通啰，我自己屋企都成日食珍珠鸡，点解要黎呢度食呢。 所以我觉得呢个自助餐系比较适合外地人食啰，而本地人食番自己本地野会觉得好闷啰，呢度都几多本地嘢。
甜品睇落都几多嘅，但系我又唔想俾𠮶啲好饱肚嘅芝士饼整饱啦， 所以我都净系食咗啲好特别嘅或者我比较钟意嘅 少少甜品啫 。试咗个芝士挞啦，有一个好似系三色丸子嘅，三色丸子我觉得应该比较易饱同埋又唔系特别好味。
野饮方面呢， 得两部咖啡机(倒咖啡，奶茶等等)同埋热水同埋中国茶，完全系冇冻饮嘅，呢个系我觉得都几失望lor，因为有时食辣嘢系要冻饮解辣㗎嘛 (佢有只青瓜系辣辣哋㗎lor)，但一款冻饮都唔畀你，存心要你买佢啲汽水。
出边呢，行出去有几档嘅 ，有档系叻沙， 有啲粉。 有档阿姨喺度烧紧啲嘢食嘅 可以拎，亦可以由一档有生嘢𠮶度，你自己攞畀佢烧。 但系我嫌都系唔够多选择啰。
有啲食物佢有标示菜名，有啲又冇搞到我要喺度估估下系咩。喺面包隔离嘅有一煲汤， 谂住应该系忌廉汤o唔ok呢，佢一粒粟米都冇都唔知系咩， 拎到埋位饮，饮落淡茂茂，唔知咩嚟，真系好难饮。
其实如果原价嚟食呢真系唔抵食。 二百几蚊嘅话出去食放题好过 。同埋食物种类都系比较少。而且仲有部分食物比较适合外地嘅旅客去体验香港嘅口味，本地人会觉得闷。
后话: 食到后期听到有枱，有个呀婆定唔知阿婶系度大大声咁讲自己嘢，期间仲讲话后生仔唔好咁讲港独𠮶啲嘢，都白痴嘅，度度都独立仲得了嘅𠮶啲说话， 真系好令人烦厌，但唔系烦在佢嘅立场( 虽然立场都有啲烦厌，但我唔系完全否定佢嘅呢个立场)， 问题系我唔想食饭𠮶阵时听到呢啲嘢啰！ 佢又啲喺度影射咩后生仔一出世就叹啦，后生仔唔得，𠮶啲le，搞到我呢啲想开开心心黎食餐饭ge后生仔听到un住un住，消化唔落咁样。餐厅系噪音管理方面都有待改善啰。
93 浏览
0 赞好
0 留言
78 浏览
0 赞好
0 留言
106 浏览
0 赞好
0 留言
102 浏览
0 赞好
0 留言
张贴
