喜點.鮮鍋粥底火鍋點心專門店 (已結業)

对香港人嚟讲火锅一年四季都啱食, 于是今日又去咗长沙湾食火锅。 餐厅环境阔落同一时间可以坐到成廿台， 位而位之间唔会好迫， 而且楼底有返咁上下高度， 全部人一齐讲嘢都唔会觉得好嘈吵。-晚市套餐由198蚊起跳， 加埋酱油都系200零蚊松啲有交易， 选择款式都几多。今日我就叫咗个忘不了海鲜火锅套餐， 汤底可以六拣一 ， 我哋拣咗淮山猪骨响螺锅 ， 响螺都算几多 ， 真材实料。 -另外主菜系有生猛龙虾（每位半只），-加另外5款时令海鲜日日都唔同 ， 今日就有蚬、番薯蚬 、蛏子同鲍鱼， 全部都新鲜 ，- 另外仲有安格斯牛颈脊同埋樱花黑豚肉 ，与及不同种类的手打丸同饺子，例如有瑶柱韭菜饺鹅肝墨鱼丸蟹肉黑松露饺瑞士芝士牛丸 水饺皇-蟹子虾丸响铃鱼皮等等 ，-朋友唔够饱，仲系50款火锅材料中任叫几款食物， 我哋叫咗生菜，皇帝菜，美国肥牛，豆腐等等，真系饱到上心口，由肉到蔬菜到丸类乜都有， 最最重要系四位以上就仲送刺身拼盘 ， 三文鱼象拔蚌 同北寄贝 ，想食咩都有，朋友怕热气，仲有任饮嘅竹蔗茅根水，豆浆，或者菊花茶，咁既价钱， 食到饱一饱，服务又好， 我同朋友都收货，好评！