菓之店 (美芳街) (已結業)

系葵芳打滚咁耐，都时不时迷路，就好似行入葵广咁，哈哈。星期日好想食甜品，但又想坐唔想扫住街咁食，记得志芳街个边有间甜品店，行到去先知原来原本间西餐转左做糖水铺，原本间西餐都好有heart 架！中热天时有冷气有得坐，见饿饿地叫左个芝士捞公仔面，配鸡扒同司华力肠，有惊喜有惊喜有惊喜，真系重要事情讲三次哈哈！鸡扒腌得好入味亦都煎得好香，司华力肠就无咩难度嘅，而公仔面方面，捞埋秘制芝士酱食，绝对系邪恶之选呀。值得一提嘅系佢咁样双拼，都系39蚊咋，而且仲送雪糕或者西米露，西米系大大粒嘅西米，配上椰汁食冻冰冰一流。食呢个餐仲加左15蚊饮佢个火龙果汁，新鲜红肉火龙果打碎，透心凉，如果夹硬要弹嘅，就系打得太碎，无咩咬口，不过已经近乎完美架喇！话明糖水铺，试下佢d甜点先，点了一个芒果盛宴，包舍新鲜芒果，芒果雪糕，芒果爆珠，同埋一个牛奶奶冻。芒果甜雪糕正常，爆珠有惊喜一粒粒卜卜脆，而奶冻唔会好甜但牛奶味浓，有时芒果太甜就品尝唔倒奶冻嘅香，好矛盾呀！总括黎讲其实真心抵，而且有心思又好食，店员都好有礼貌Tim 。