上海婆婆 (黃大仙中心北館)

营业中

休息中

之前同婆婆一齐去咗黄大仙依间「上海婆婆」食晚饭，依度嘅出品唔错，所以我婆婆都几好胃口，食得好满足。*此餐厅收取加一服务费。半只熏香樟茶鸭（单点$148），鸭皮部分做得几出色，上皮水上得好，令到鸭皮口感做到脆皮效果，食落透薄不油、干爽、薄脆，鸭肉肉质嫩滑，食落充满樟树叶、茶叶、陈皮、肉桂味道，味道咸香，而且食落带有烟熏香味，略嫌鸭身出肉量不多、肉质瘦削，蒸荷叶饼口感软熟，配以樟茶鸭、甜面酱食用，味道更佳。婆婆粗炒（单点$88），上海粗面口感烟韧，食落带有鸡汤、酱油味道，配料包括有猪肉丝、冬菇、椰菜、小白菜，味道正宗。川北麻辣粉皮（单点58），表面铺有青瓜丝，口感爽脆，粉皮口感爽滑，容易挂汁，食落香、麻、辣兼备。炸银丝卷（单点$32），即叫即炸，口感香脆内松软，食落充满面粉味道，配以炼奶食用，味道香甜。绿茶芋泥饼（单点$28），外围表面铺满芝麻，食落好香口，绿茶饼口感酥脆，茶味清香，芋泥份量多，味道清甜。茗茶（两人$12），茶味浓香。