岱民廟街店

营业中

休息中

岱民全线旗下嘅分店已经差唔多接近40间，更可能稍后嘅时间会有更加多嘅分店都未定，因为两𩠌饭嘅市场好大，而且岱民已经做起咗，客源大增，捧场客甚多，皆因价钱平、份量多兼味道好，所以生意长做长有。整体嚟讲，岱民每间分店出品嘅水准都唔一样，但每间嘅食材质素都属中等，暂时嚟讲都算系满意，冇话边间系好难食。嚟到庙街呢间岱民，我唔知呢间店开咗几耐，不过呢间嘢嘅小菜水准真系几好，全部小菜都炒得好靓，应该啲厨房师傅系喺大排档出身，所以炒出嚟嘅小菜都同大排档嘅出品接近一样。呢间店嘅椒盐猪扒系最好食，因为沾上粉好薄，而且肉够厚兼大件，非常得体，味道好香浓，送饭一流！其余嘅小菜都好精彩，注：本店啲阿姐服务态度好友善，而且间店嘅入面环境好干净卫生，令食客食得放心。