Burgerman (埃華街) (已結業)

速食一般汉堡去朗豪坊睇戏前就喺附近揾嘢食，见呢间汉堡都几多好评，就去食下，睇下系咪真系好食。去到人哋收10点，都唔俾我哋坐低食，所以就嗌左外卖。我哋分别叫咗1号餐至尊汉堡，配薯条同雪碧及8号包芝士汉堡。可能即刻煮嘅关系都等左成15分钟先至有。至尊汉堡至尊汉堡有两层牛肉、两块芝士、煎蛋、蕃茄、菜，餐牌上面写有烟肉，唔知系咪外卖嘅关系，唔觉有烟肉夹喺度⋯⋯个味系唔错嘅，但牛肉就一般，感觉熟得滞，冇乜牛汁有啲干身，个牛同麦记安格斯牛堡差唔多⋯⋯芝士汉堡芝士汉堡有一层牛肉、芝士、蕃茄同菜。可能都系外卖嘅关系，吾算十分好味，包皮好一般，牛肉熟得济，好一般。系个芝士叫ok，溶晒落牛肉度，叫做令到个汉堡好食啲。不过都有好嘅就系，即叫即整，所以两个汉堡都系热辣辣嘅。咁嘅质素同价钱未必会再食，去麦当劳食几份安格斯汉堡仲好。