Maison Meiji (已結業)

几位长辈要求XO仔陪同午膳，一试公司附近新新地嘅「Maison Meiji」。店子位于四层高嘅二级历史建筑M7内，据悉，原设计嘅法窗、露台、栏杆等不能任意拆除。一楼餐厅亦不能改动室内嘅特色砖墙及间隔。不过为配合个半日式料理主题，一入门口就见到两组和风榻榻米散座，优雅得黎空间感好充沛。云石餐桌摆有自用嘅餐具，不过就有少少黐立立。中、日、英对照嘅两页餐牌简单易明。面对住问题公公蕃薯Uncle，服务生都显得好有耐性，讲解午餐份量应只够一个人食，不过如果客人有要求都可以叫几客黎分。居酒屋午市套餐均包有汤同沙律。是日暖暖嘅南瓜忌廉汤柔滑甜浓。沙律亦好清爽。吉列猪排蛋包饭（$218）：人气之选热力十足，金黄亮丽嘅蛋包饭软滑非常，蛋香芬芳，当中嘅炸猪扒皮脆肉松爽，配上秘汁成功增添甜润。银鳕鱼西京烧蔬菜可乐饼（$268）：姨妈话个银鳕鱼煎得够香口，鱼肉都好嫩滑。串烧定食（$248）：定食包咗六款串烧，另加一旧饭团、渍物及面豉汤。可能系因为一次过上哂啦，啲串烧唔系咁够热，尤其系牛脷同猪肋条食落会变得特别油同硬咗。「厨师精选」和牛牛肉汉堡之杂菇照烧汁汉堡扒（$188）：多款主菜中，个人最欣赏松嫩带微微脆嘅