陳根記 (已搬遷) 新店位置

我都系第一次使用外卖速递 App，原来又真系几方便㖞，最估唔到系连大牌档陈根记都有！两个人嘅晚餐，我哋叫咗 4 𩠌 1 饭，包括卤水鹅片、腐乳通菜、豉椒炒蚬、沙律骨（但可惜招牌菜 Wasabi 手撕鸡 8 点钟已经沽清，下次真系要快手啲）。App 内标示 45 分钟送到，最后 30 分钟内已经到达，食物送到时真系暖嘅，对此非常满意。不过讲到大排档风味，都系留喺大排档坐低食比较有镬气嘅！题外话，几欣赏佢哋嘅 go green strategy，除非特别要求，否则唔会提供外卖餐具（当然外卖餐具亦唔会有额外收费嘅）。