蘇媽.蘇媽馬來西亞茶餐室

营业中

休息中

今日约咗朋友去旺角玩board game快快手喺朗豪坊附近的苏妈食个快 晚餐。之前几次食苏妈都系喺深水埗。旺角分店嘅面积大好多亦都有更多马来西亚地道特色嘅装饰。我哋四个人嗌咗六样嘢，样样都抵食夹大件.食马来西亚嘢一定唔少得肉骨茶啦。苏妈最出名嘅就系佢嘅肉骨茶，而且最重要系肉骨茶汤任添 无错系任添呀。汤底好甜系用好浓嘅猪骨加埋药材熬成嘅。我哋今次拣咗一字骨，想试吓佢啲软骨嘅味道。钟意食肉嘅我真系啱晒。另一道我每次去到都会嗌嘅就系砂锅老鼠粉。老鼠粉食落有啲似银针粉，而系老鼠粉上面分别有肉碎香蒜干虾等等嘅配料，加埋啱啱好熟嘅窝蛋成个配合简直系Perfect，一打开个煲盖浓烈嘅香味就扑鼻而来啦。另外我哋又食咗鸡丝河粉，味道比较淡啲，配合返其他浓味嘅嘢食比较合适。串烧嘅水准都OK但系相比老鼠粉同肉骨茶，就冇咁特别出色。食完主食，另一个甜品嘅胃就出嚟啦。食马来西亚嘢就梗系要食埋呢个椰香咖吔多士啦。椰子香味好浓多士十分脆口，系一个极度邪恶但又令人把持不住嘅选择。我哋用咗45分钟左右就食晒枱面嘅嘢啦。总括而言苏妈嘅嘢食坚抵食，坐嘅位置都舒服但系要长坐就未必太合适。