影片
更多
2022-11-15
287 浏览
LIFETASTIC Patisserie📍元朗朗日路9号形点I2楼2065号舖最近同人庆生，我食咗呢间蛋糕店好出名嘅方型个装蛋糕。呢次并唔系我第一次食佢哋出品嘅蛋糕，对上一次食系有机焙茶香蕉蛋糕，以为贵就唔会伏？错啦！佢嘅蛋糕嘅味道真系好神奇，唔可以话超难食，但绝对谈不上好食，感觉好overpriced。今次俾多次机会试佢哋嘅蛋糕，唔知系会出奇地好食，定系虚有其表、伏到核爆呢？ 💰$78班兰芒果紫米蛋糕 🥭🍰睇完食材表同成份，大概明白佢想走一个咩风格，估计都离不开东南亚fusion嘢。呢个班兰蛋糕虽然外表唔太讨好，但估唔到佢斑斓味好香好重， cream嘅口感亦都好light，唔会好漏。明白加紫米可能系想令件事更加有东南亚甜品嘅feel，但食落唔太夹，反而画蛇添足，扣咗分。芒果亦唔太当造，好酸，令个本身已经唔系好甜嘅蛋糕更酸更唔够好食。 💰$85无花果红桑子芝士蛋糕 🫐🧀🍰食得出食材系天然新鲜嘅，但cream cheese味好淡，对于我呢啲重口味人士嚟讲，好似食紧普通海绵蛋糕咁。上面嘅无花果同红桑子亦唔够甜，甚至有啲过酸，无办法带出个蛋糕嘅甜味，惟一可以赞嘅就系佢应该好适合要控制糖份摄
📍元朗朗日路9号形点I2楼2065号舖
最近同人庆生，我食咗呢间蛋糕店好出名嘅方型个装蛋糕。呢次并唔系我第一次食佢哋出品嘅蛋糕，对上一次食系有机焙茶香蕉蛋糕，以为贵就唔会伏？错啦！佢嘅蛋糕嘅味道真系好神奇，唔可以话超难食，但绝对谈不上好食，感觉好overpriced。今次俾多次机会试佢哋嘅蛋糕，唔知系会出奇地好食，定系虚有其表、伏到核爆呢？
[价钱 Price]
💰$78
班兰芒果紫米蛋糕 🥭🍰
睇完食材表同成份，大概明白佢想走一个咩风格，估计都离不开东南亚fusion嘢。呢个班兰蛋糕虽然外表唔太讨好，但估唔到佢斑斓味好香好重， cream嘅口感亦都好light，唔会好漏。明白加紫米可能系想令件事更加有东南亚甜品嘅feel，但食落唔太夹，反而画蛇添足，扣咗分。芒果亦唔太当造，好酸，令个本身已经唔系好甜嘅蛋糕更酸更唔够好食。
[价钱 Price]
💰$85
无花果红桑子芝士蛋糕 🫐🧀🍰
食得出食材系天然新鲜嘅，但cream cheese味好淡，对于我呢啲重口味人士嚟讲，好似食紧普通海绵蛋糕咁。上面嘅无花果同红桑子亦唔够甜，甚至有啲过酸，无办法带出个蛋糕嘅甜味，惟一可以赞嘅就系佢应该好适合要控制糖份摄取嘅人士同老人家食！
对比起上一次食嘅焙茶香蕉蛋糕，今次嘅算系唔错㗎啦，但唔称得上好食，唔系好明点解卖咁贵、味道咁有趣都仲有咁多人食佢，唔通真系咁多人对生桐蛋糕有兴趣？留名求食过嘅人分享！
张贴
