Chalet (已結業)

想远离商场，揾咗一间好有情调嘅餐厅，冇谂过疫情期间都爆满要排队！餐厅格调有啲似去咗外国咁，餐厅有一半都系坐高櫈，虽然餐厅食物种类唔多，但系完全系贵精不贵多嘅元素！我就嗌左个set，首先烟三文鱼牛油果卷上面仲配三文鱼子，烟三文鱼同牛油果好夹，算系一个好开胃嘅前菜！而佢嘅牛扒我哋嗌左五成熟，觉得有惊喜嘅系佢嘅生熟程度真系差唔多，香港好难揾到煎得好牛扒嘅餐厅🤯旁边嘅蕃茄仔同大蒜都处理得好好，唔系普通一般就咁放喺度装饰嘅配菜，系真系会令你想夹埋一齐食个种！佢嘅餐汤亦都配左一个面包，对于我呢一个面包爱好者来讲，呢个面包真系好值得食！佢系好软身𠮶种，而且有啲发酵味嘅味道，水准真系好高！