影片
更多
2009-09-28
73 浏览
一个晴朗的星期六下午, 两人穿过太古广场来到呢间法国菜, 地方不大, 但装潢颇堂皇, 而我订台时明明已reserved同confirmd左window seat, 但去到却被安排到靠墙的台, 真系以一间高级餐厅来说, 真系讲唔通亦唔明解?讲番食物先, 两个courses卖$368, 三个 courses则卖$428, 仲包一杯餐酒同咖啡或茶, 以一间有米猪莲餐厅来说, 价钱绝对合理, 我个人比较贪心, 选择左三个 courses的午餐点完菜后, 先送上两种分别系有盐同无盐的牛油同自制法式面包, 有百吉包, 麦包, 小软包同牛油卷, 我4种都试过, 水准皆高, 百吉包内软外脆, 麦包则似一个有麦味的百吉包, 方型的小软包味道较淡但软熟非常, 牛油卷则有浓烈的牛油香但比较油腻 , 喜欢的仲可以添食...食完包后上汤, 我选择左一个冻的青豆蓉汤配羊奶芝士(chilled green pea soup, goat cheese cream), 冻汤用酒杯奉上, 饮落去当然唔系话冻得好紧要, 但夏天饮落去又的确清凉舒服, 青豆打得好碎, 饮落去豆味浓而且顺喉, 唔会好似有d餐厅打得唔够碎一仲要
讲番食物先, 两个courses卖$368, 三个 courses则卖$428, 仲包一杯餐酒同咖啡或茶, 以一间有米猪莲餐厅来说, 价钱绝对合理, 我个人比较贪心, 选择左三个 courses的午餐
点完菜后, 先送上两种分别系有盐同无盐的牛油同自制法式面包, 有百吉包, 麦包, 小软包同牛油卷, 我4种都试过, 水准皆高, 百吉包内软外脆, 麦包则似一个有麦味的百吉包, 方型的小软包味道较淡但软熟非常, 牛油卷则有浓烈的牛油香但比较油腻 , 喜欢的仲可以添食...
食完包后上汤, 我选择左一个冻的青豆蓉汤配羊奶芝士(chilled green pea soup, goat cheese cream), 冻汤用酒杯奉上, 饮落去当然唔系话冻得好紧要, 但夏天饮落去又的确清凉舒服, 青豆打得好碎, 饮落去豆味浓而且顺喉, 唔会好似有d餐厅打得唔够碎一仲要用牙齿嘴嚼才行, 而羊奶芝士酿入青豆壳内, 羊奶芝士的味道非常浓郁, 可以叫好苏'的羊奶味道, 唔系个个人顶得顺, 好此道者必定喜欢, 但我试完后我就觉得太'苏'啦!
之后上的系主菜seared brittany whiting fillet, sauteed young vegetables with salty butter, 本来系whiting fillet, 点知卖晒, 转左多宝鱼, 点知点菜时又话售罄, 最后改左为monkfish, 即𩽾康鱼, 自问未食过, 侍应称𩽾康鱼的肉比较弹牙有d似龙虾肉, 我梗系想试下, 上菜后一口咬下去, 果然有d似龙虾般,肉质结实不松散，弹牙, 比 一般鱼肉好味, 另有用牛油煮过的蔬菜伴碟, 味道一般
食完主菜后才恍然大悟发觉头盘尚未到, 我叫的系蕃茄香草意大利饭配黑松露牛肉汁(tomato risotto, truffle beef jus and basil), 但竟然系食完主菜后才上, 呢个都算好明显的失策讲番个饭, 虽然唔知点解法国菜有意大利饭食, 但呢个意大利饭煮得实在出色, 煮饭的时间恰到好处, 煮得al dente, 粒粒分明, 有咬口, 配上淡淡的牛肉汁同浓浓的黑松露香味, 当中还应该配上新鲜蕃茄同黑醋同煮, 酸味味的令人胃口大开, 激赞~~
饭后我无加钱选择芝士, 而我加左$60要个甜品:冧酒焗菠萝伴椰子雪糕(roast baby pineappple flambe with aged rum, coconut ice-cream)试下, 菠萝上有一条云呢拿条, 放在碟中浸住焦糖水同rum酒, 上碟后点火, 令酒香散发出来, 萝萝虽然只系一小件, 但却用上新鲜的, 因为食落去甜甜酸酸同有质感, 而且有不少根, 绝对唔系罐头货色, 菠萝带有焦糖味同颇浓的rum酒苦涩味道, 实在过瘾, 不过酒的苦味却唔系人人喜欢, 另伴有椰子雪糕, 上层用d类似威化饼的皮夹著, 下层则用类似拿破仑的酥皮, 咬落去的感觉好得意, 雪糕味道系偏淡, 唔甜得来都几清新!!
最后侍应问我想食咩petit four, 见我无咩意见, 佢就系甜品车上选择的小甜点给我, 有绵花糖, 柠檬挞, 朱古力, 杂果挞, 泡芙, 因为已经好饱, 所以只系浅尝, 味道一般, 无咩特别!! 餐茶我要左cappuccino, 泡沫打得企, 饮落都几顺滑, 咖啡味道偏淡, 不过高级餐厅的咖啡同各种茶类推始终唔会太差的
连一樽karoo的still water($100)同加一, 埋单每人$603, 食物水准虽然唔系法国菜的顶级, 但整体都算唔错, 不过始终对之前提到的window seat的安排同头盘漏单的问题大感不惑, 水准真系与高级餐厅不符!! 而服务则有好有唔好, 法籍经理服务不错, 有个别男侍应并未没有清楚解释菜单, 但却有一位好似叫Charity的女receptionist则非常体贴, 整体仍勉强值得一个笑脸的
张贴
