影片
更多
2012-02-06
32 浏览
11月5日, 122周月快乐!难得周月系喺星期六, 当然plan下去边度吃喝玩乐啦~ 是日阳光普照, 最好就系去郊游, 决定咗入大澳~ 虽然系远咗少少, 又搭车搭船, 不过一到达都觉得系值得嘅, 风景优美, 好有旧式乡村感觉~ 当然第一时间去揾野食, 第一站就系嚟呢度食驰名嘅香妃卷~::: 香妃卷 ::: $20睇名真系唔知咩叫香妃卷, 叫得驰名点都唔似会失望卦~ 师传仲会即叫即制, 非常新鲜热辣! 先将蛋浆倒喺超大个热辣辣嘅铁板上面, 等佢煎到定型, 就加上唔同嘅材料, 包括大量嘅葱花、芝麻、菜甫~ 仲落埋好似食粥会有𠮶d薄脆, 围圈加上甜酱, 折埋一齐就可以上枱~ 名副其实嘅中式crepe, 仲有d似咸味糖葱饼! 我地唔好芫茜可以叫佢走芫茜~ 味道以咸为主, 但系甜酱又带甜味, 芝麻葱花又够香, 菜甫味道少少辣又够爽口, 仲要加埋薄脆嘅口感, 真系百感交杂! 啖啖都好丰富, 好烟韧好脆好爽好甜真系乜都有! ::: 黄金虾 ::: $20除咗食香妃卷仲想食多样小食, 每一样都摆咗喺舖面俾我地拣, 多数都已经做好, 叫咗佢再翻炸~ 不过炸完嘅黄金虾再翻炸都冇乜所谓, 因为都已经炸到皮都
难得周月系喺星期六, 当然plan下去边度吃喝玩乐啦~ 是日阳光普照, 最好就系去郊游, 决定咗入大澳~ 虽然系远咗少少, 又搭车搭船, 不过一到达都觉得系值得嘅, 风景优美, 好有旧式乡村感觉~ 当然第一时间去揾野食, 第一站就系嚟呢度食驰名嘅香妃卷~
::: 香妃卷 ::: $20
睇名真系唔知咩叫香妃卷, 叫得驰名点都唔似会失望卦~ 师传仲会即叫即制, 非常新鲜热辣! 先将蛋浆倒喺超大个热辣辣嘅铁板上面, 等佢煎到定型, 就加上唔同嘅材料, 包括大量嘅葱花、芝麻、菜甫~ 仲落埋好似食粥会有𠮶d薄脆, 围圈加上甜酱, 折埋一齐就可以上枱~ 名副其实嘅中式crepe, 仲有d似咸味糖葱饼! 我地唔好芫茜可以叫佢走芫茜~ 味道以咸为主, 但系甜酱又带甜味, 芝麻葱花又够香, 菜甫味道少少辣又够爽口, 仲要加埋薄脆嘅口感, 真系百感交杂! 啖啖都好丰富, 好烟韧好脆好爽好甜真系乜都有!
::: 黄金虾 ::: $20
除咗食香妃卷仲想食多样小食, 每一样都摆咗喺舖面俾我地拣, 多数都已经做好, 叫咗佢再翻炸~ 不过炸完嘅黄金虾再翻炸都冇乜所谓, 因为都已经炸到皮都㶶晒, 唔会再讲乜乜新鲜唔新鲜, 老细好好人送咗2只蟹仔俾我地~ 黄金虾有大细唔同size, 我地要咗细虾~ d虾炸到壳都脆埋, 可以连头连尾一齐食, 鲜虾味道炸到所余无几, 油味就一定好重, 好在里面嘅虾肉仲食到, 点埋泰式辣酱当d脆卜卜香口野配酒食一定一流! 炸蟹仔都一样, 炸到脆晒都只系食到个脆口感, 其实食咗咩, 如果合埋眼食一定食唔出~
::: 紫贝天葵茶 ::: $5
呢个茶比喺出面街买会平d, 因为平均都要$6-$7~ 味道好似利宾立, 但系比较天然 同冇咁甜, 大澳特别野果然唔同d~
店舖好细, 都系老细一手一脚包办厨房、落单、执野同收银~ 不过佢都驾轻就熟, 完全冇难度~ 香妃卷绝对值得一试! 其他野就见仁见智~ 因为呢个系我地今日第一餐, 所以都想留住个肚去食其他野~
张贴
