淂記 (已結業)

今日由小儿发办，三个𩠌，三个点心，加两甜品。四个人份量足够。应承俾佢全权话事所以菜菜欠奉，大人冇得反口！😂北京填鸭比起全盛时期小时候的北京楼仲有啲距离，但看得出这间店有心做返好啲，鸭皮脆而不肥腻，薄饼皮份量够及用小火keep住温度有诚意！半只鸭份量好似俾少咗啲，但如果因为要拣靓啲部份先上的话都OK可以接受。蜜汁火腿，牛柳粒都好食及有惊喜。其他点心都满意。杨枝甘露雪糕小朋友最钟意。炸雪糕做得有心机，但同今时今日香港其他西式甜品比较，可以直接skip咗佢。仲有呢度啲员工服务态度亦都好好，很有礼貌，值得赞赏！晚市堂食Eatizen会员而家有七折，所以性价比高，开心的一晚家人聚餐！