BOM Cuisine (已結業)

星期日返完教會，又再於荔枝角遊走，搵吓各式美食。今日決定試一間位於青山道街角的一間葡式西餐廳—BOM Cuisine門外已見到這個優惠宣傳牌，啤酒買一送一確係亮點！仲送鮮榨西瓜汁咁解暑，正！我地一行四人叫了幾個午餐，食物都幾出色！今日餐湯係甘筍湯，仲有葡式乳豬飯餐餸嘅沙律！葡式乳豬外脆內嫩，個皮卜卜脆，乳豬啲肉好嫩滑，配上黃姜飯好夾！一個午餐係紅酒汁豬膝，個皮含有豐富骨膠原，相當野味！卡邦尼意粉有好多不同種類嘅菇菌，比較乾身，意粉硬度適中！牛扒我哋叫咗medium rare ，佢都煎得啱啱好唔會過火！其實已經飽到不得了，好彩佢個甜品係好細件嘅Tiramisu