盈館

营业中

休息中

周末一个人喺屋企懒得煮饭，就打算自己出街食饭，之前听咗好多朋友讲旺角嘅盈馆食物好好食，就谂住去试吓。去到𠮶边我眼前一亮，估唔到系咁大间嘅酒楼，位置好阔落，好有古典风嘅装潢，餐牌上仲有好多选择，我就叫咗几样我最想食嘅食物。唔使几耐，d食物就送咗嚟，送嚟𠮶阵仲系热辣辣嘅，我食嘅几款食物都好好食，喺度推介俾大家。🔶鲜虾蒜香脆春卷春卷外皮薄而酥脆，唔油唔腻，一啖咬落去香味四溢，蒜头嘅味道特别浓郁，既保持咗虾肉嘅鲜嫩，又具有爽脆嘅口感，带有微微嘅辛辣味，整体食落去非常开胃。🔶雪花墨西哥叉烧餐包墨西哥餐包酥皮香脆味道浓厚，包外层伴住浓浓奶香味，食落口感绵润，加上叉烧肉分量十足，成个餐包充满咗甜味、咸味同微量辣味，十分美味。🔶芝士鲜虾腐皮卷腐皮卷外皮金黄色泽，新鲜清甜虾仁嘅内馅非常饱满，虾仁爽脆弹牙，配埋香浓芝士，咸香味十足，整体口感十分香脆，食到停唔到口。