Misu Seafood Cuisine

营业中

休息中

投完票有咩做？当然要食个靓午餐预祝胜利。湾仔QRE Plaza出名多高级餐厅，今次同朋友去左QRE Plaza 既Misu。一入去已经被湖绿色既天花所吸引住，迷你吊灯亦映入我既眼帘。一丝阳光探进餐厅，令整个人既状态变得懒洋洋，非常适合系weekend进行午餐。Misu午餐price range都几大，由$98至$498不等。Lunch set附送沙律同餐汤。值得一提系面豉汤比较清甜，味道唔会过咸，而且有三至四粒蚬肉。极上鱼生丼包括甜虾、玉子、三文鱼、油甘鱼、八爪鱼同带子。鱼生够新鲜，份量亦多，成片鱼生特别有满足感。醋饭亦恰到好处。不过个人认为以西餐碟呈上鱼生饭有啲奇怪。角切鱼生丼既鱼生同极上鱼生丼差唔多，卖相较色彩缤纷，鱼生一样新鲜。上述既鱼生饭几出色，但最惊喜系甜品 - 蜜糖脆脆松饼。松饼总共有三层，入面既脆脆，松饼同酱都系自家制，非常难得。松饼偏向美式，口感无日式咁松软，但都有一定松软程度。微苦既焦糖脆脆令整体甜度达至平衡。食完甜品要饮返杯红茶解腻，咁先系真真正正既weekend。