影片
更多
2022-09-09
2912 浏览
中秋节讲个恐怖体验比大家听吓:下个月我就享中西区返够13年工呢13年历史以嚟我都未试过做节食到咁垃圾既餐厅垃圾到不可思议、匪夷所思大家唔驶同我讲低处未算低因为我系根据以下三个条件benchmark:1)位于新世界大厦2)美丽华集团旗下餐厅3)$200-400/人均呢间 — 翠亨邨令我同埋一众同事极之唔开心我唔开心到要冒住比人话西客既风险第一次在openrice贴文去宣泄我既不满情绪《入座篇》享商场入口搭扶手电梯之前见到有只大乌蝇飞过当时我望向左手边几个餐厅LOGO得饼店、café同埋翠亨邨冇理由西饼店同café有乌蝇卦?唔通翠亨邨飞出嚟? 唔会既, 应该马路边飞入去既遮…去到餐厅知客比完张飞我我行咗反方向一大段个知客先同我讲行错带枱个男人去到张枱度好粗鲁咁一路围住枱行一路拉开D凳张凳争D撞到我个索女同事OK, 中秋节就快开始忙服务差D我预咗问有冇口罩套, 餐厅本身冇落单前想问清楚D都未讲完D问题个阿姐就走咗《上菜篇》一个字: 快!节日忙所以次序乱, 见怪不怪快D食完翻多张枱吖嘛张好细既枱极速就堆满嘢阿姐仲想上埋个汤“阿姐! 我哋真系好迫啊! 冇位啦”阿姐夹硬推晒D嘢上枱我谂起以前去过湾
下个月我就享中西区返够13年工
呢13年历史以嚟
我都未试过做节食到咁垃圾既餐厅
垃圾到不可思议、匪夷所思
大家唔驶同我讲低处未算低
因为我系根据以下三个条件benchmark:
1)位于新世界大厦
2)美丽华集团旗下餐厅
3)$200-400/人均
呢间 — 翠亨邨
令我同埋一众同事极之唔开心
我唔开心到要冒住比人话西客既风险
第一次在openrice贴文
去宣泄我既不满情绪
《入座篇》
享商场入口搭扶手电梯之前
见到有只大乌蝇飞过
当时我望向左手边几个餐厅LOGO
得饼店、café同埋翠亨邨
冇理由西饼店同café有乌蝇卦?
唔通翠亨邨飞出嚟?
唔会既, 应该马路边飞入去既遮…
去到餐厅知客比完张飞我
我行咗反方向一大段个知客先同我讲行错
带枱个男人去到张枱度好粗鲁咁
一路围住枱行一路拉开D凳
张凳争D撞到我个索女同事
OK, 中秋节就快开始忙
服务差D我预咗
问有冇口罩套, 餐厅本身冇
落单前想问清楚D
都未讲完D问题个阿姐就走咗
《上菜篇》
一个字: 快!
节日忙所以次序乱, 见怪不怪
快D食完翻多张枱吖嘛
张好细既枱极速就堆满嘢
阿姐仲想上埋个汤
“阿姐! 我哋真系好迫啊! 冇位啦”
阿姐夹硬推晒D嘢上枱
我谂起以前去过湾仔春园街一间好逼既茶餐厅
当时同地盘佬们臂贴臂肩并肩膝撞膝咁食饭
D碟系逼到好似地震带咁
地面板块既边沿系叠住, 冇办法平放
依家又未至于逼到要打斜D碟
但个速度简直系要你下一秒食完就躏既程度
(我唔记得咗享最逼𠮶阵影咗相
冇得share呢个壮观场面)
《环境篇》
装修残残旧旧, 楼底好矮
D枱好细, 放得劲密
于是D声好似环回立体声咁
隔离枱几把鸡仔声十级嘈
我哋完全倾唔到偈
我本人又唔系真系好介意环境呢样嘢
不过如果间餐厅好难食又贵既话
起码环境好D你都仲可以安慰吓自己
咁, 唯有寄望D嘢食唔好太差啦
《劣食篇》
可惜我冇估错, 真系好难食
唔系我吹大咗, 系有相为证
大家应该凭照片都睇得大部份嘢系难食
请原谅我依然要长篇大论咁写佢点难食
索女同事: 「哗, 你睇吓! D叉烧靭到咁既!?」
佢用筷子夹起咬咗一啖既叉烧横切面比我睇
我望望碟烧味拼盘, 有叉烧、乳猪、烧腩仔
内心怀疑D猪系咪比人虐待搞到营养不良
平时通常都系嫌月巴得滞
有几可会见到瘦过索女同事
你哋睇吓𠮶块虾饼
唔知点解又系好靭
仲扁到好似得3mm厚度
好似菲籍姐姐煎扒咁
咁高难度到底系点做到?
金砖豆腐一夹就散
真系好劲, 猪冇猪味鱼汤冇鱼味
招牌炒米粉冇味, D虾粒又臭臭哋
个牛肋骨上嚟系摊冻咗既温度
我索性取消咗碟嘢
黑松露蟹肉炒蛋, 我净系知自己食咗个松露酱
里面𠮶D到底系咩嚟?
佢连蛋都可以难食𠮶吓真系无出其右
个海底椰响螺炖瘦肉汤得味精味
《埋单篇》
实在太难食, 我唔敢试个甜品, 惊一啖即弃
隔离𠮶枱又太兴奋太高音
成餐饭都好辛苦, 不如取消埋个甜品埋单
嗱嗱声走唔好浪费食物
叫完取消, 等咗一阵佢哋攞𠮶4碗炖奶过嚟
我话取消, 𠮶4碗嘢出现第二转
我重申我要取消, 然后侍应转身队咗4碗嘢比隔离枱
之后再有个貌似经理既物体又享厨房拎4碗炖奶过嚟讲
me「我已经叫咗两次取消三次埋单等咗成四个字」
我块面已经㶶过佢碟春卷
个经理享我再讲嘢之前:「得嘞得嘞!」
做埋手势制止我讲落去
去到呢个地步我只系希望张单冇错
我可以顺利埋单走人
正当众人乸埋口面等埋单既期间
一只小乌蝇享我哋面前盘旋降落
似乎, 我享商场入口遇到既乌蝇真系享呢度飞出嚟
最终6个人HK$1,917.3埋单
《总结》
最初见店名时觉得读落去有D似公屋村
其实帮衬落都店如其名
呢个价位既食店, 附近有紫玉兰、力宝轩、苏浙沪、夜上海…
不能尽录, 千祈唔好8卦嚟呢间
如果你睇完呢篇文都仲过嚟
而又真系中伏既话, 我只能讲句抵你死
想食平D, 去统一名都、中信海都、湾仔东海仲开心
要再食贵D? Landmark唐人馆同附近有一堆酒店中菜馆
睇佢个款, 原本设计menu个人应该有D心思
可惜无论食物、环境、服务、执行、管理都一败涂地
我唔会话呢间餐厅应该执咗佢
因为我直头觉得有人炸烂咗间餐厅都唔抵可怜
金粟花枝饼
$68
18 浏览
0 赞好
0 留言
乳猪烧味拼盘
$288
26 浏览
0 赞好
0 留言
黑松露蟹肉菊花蛋
$268
18 浏览
0 赞好
0 留言
张贴
