金湖粉麵茶餐廳

营业中

休息中

好多年前食过，行街，随便找地方食嘢，味道已唔记得，只记得员工态度超差，坐得好迫，好污糟，食完好似赶你走咁，之后无再去。去年年尾公司搬到尖沙咀，所以周围试食，疫情严重只想买外卖，好，比次机会佢。入去落单，收钱唔知系咪老板，好有礼貌，我问牛腩林唔林，佢话叫师傅俾啲林嘅你，我叫咗两份要分袋，佢都好乐意，仲细心问我要唔要辣椒油，并说其中一份单叫，无下午茶价但有九折，一碗牛腩云吞另外鱼蛋面跟餐，$88尖沙咀嚟讲算平。见到每个包装都系得一个盒，心谂冇分汤？返到公司打开，原来碗内有分隔，汤好够热，汤底好味，牛腩好林入味仲半肥瘦，好食抵赞。希望疫情过后不要故态复萌，如果能维持食物及服务水准就好啦，唔好谂住净系做游客生意唔自在，疫情期间餐饮业难做，希望你们努力守住及珍惜现在。希望疫情快过，生意兴隆。