影片
更多
2020-11-09
810 浏览
10月某日下昼响尖沙咀做完嘢期间，撞到多年同学Sam，佢话带我去铜锣湾试法国菜，原来响登龙街新开咗一间法国餐厅，叫Les Papilles，当时仍然在试业中，得知响寻日(8/11)已经正式开业了。入门口位置有自助测量体温仪器，量完体温之后我哋坐咗响一张2人枱，眼见全餐厅有16个位，见到枱与枱之间均有分隔措施，餐厅梳化上面墙上有一幅好长嘅画，系一班相信系法国人响湖边饮下酒、放下狗同跳下舞，简单又舒服。坐低后，Sam点了一枝红酒饮：Chateau Amandiers Corbieres Grande Cuvee 2016($298)，如果响一间法国餐厅用$298饮到一枝红酒都真系几抵，佢仲话几好饮，不过咁早我真系饮唔到酒。同学叫咗少少嘢食去送酒，店长攞咗一小篮，内有3个细嘅牛角包，牛角包系热辣辣、外皮松脆、入口酥香、牛油味浓。咁Sam首先点咗个头盘皇帝蟹肉配海胆伴芹菜头泡沫(Crab and Sea Urchin, Celeriac Foam, $198)，用匙羹一笔入口，好钟意呢个咁creamy嘅食材响口腔度停留嘅感觉，皇帝蟹肉同海胆已经够鲜甜，creamy嘅感觉就系由呢个芹菜头泡沫度出
10月某日下昼响尖沙咀做完嘢期间，撞到多年同学Sam，佢话带我去铜锣湾试法国菜，原来响登龙街新开咗一间法国餐厅，叫Les Papilles，当时仍然在试业中，得知响寻日(8/11)已经正式开业了。
入门口位置有自助测量体温仪器，量完体温之后我哋坐咗响一张2人枱，眼见全餐厅有16个位，见到枱与枱之间均有分隔措施，餐厅梳化上面墙上有一幅好长嘅画，系一班相信系法国人响湖边饮下酒、放下狗同跳下舞，简单又舒服。
Chateau Amandiers Corbieres Grande Cuvee 2016
$298
29 浏览
0 赞好
0 留言
坐低后，Sam点了一枝红酒饮：Chateau Amandiers Corbieres Grande Cuvee 2016($298)，如果响一间法国餐厅用$298饮到一枝红酒都真系几抵，佢仲话几好饮，不过咁早我真系饮唔到酒。
牛角包
27 浏览
0 赞好
0 留言
同学叫咗少少嘢食去送酒，店长攞咗一小篮，内有3个细嘅牛角包，牛角包系热辣辣、外皮松脆、入口酥香、牛油味浓。
皇帝蟹肉配海胆伴芹菜头泡沫
$198
24 浏览
0 赞好
0 留言
咁Sam首先点咗个头盘皇帝蟹肉配海胆伴芹菜头泡沫(Crab and Sea Urchin, Celeriac Foam, $198)，用匙羹一笔入口，好钟意呢个咁creamy嘅食材响口腔度停留嘅感觉，皇帝蟹肉同海胆已经够鲜甜，creamy嘅感觉就系由呢个芹菜头泡沫度出嚟，真系有百感交集嘅感觉，下次我嚟一定要再食过。
烟熏油浸三文鱼配法国鱼子酱牛油果青瓜沙律
$188
24 浏览
0 赞好
0 留言
再嚟另一个头盘：烟熏油浸三文鱼配法国鱼子酱牛油果青瓜沙律(Lightly Smoked Salmon, Caviar, Cucumber Salad Avocado Puree, $188)，店长将三文鱼一上枱时打开玻璃盖，系一个烟熏嘅效果，我即刻问主厨系咪响香港铜锣湾某间法国餐厅做过？不过要等主厨忙完之后会出嚟解答，咁讲返食物先，呢个烟熏油浸三文鱼配法国鱼子酱之前我响铜锣湾嘅法国餐厅(依家搬咗去湾仔)，佢哋系用42度低温慢煮个三文鱼，不过呢度我就无特别问用几多度，闻到烟熏味够香浓，面层铺满熏过咸香法国鱼子酱，三文鱼一切落去都够嫩滑，牛油果青瓜沙律可以清一清三文鱼嘅腻感。
鹅油炸薯条
44 浏览
0 赞好
0 留言
脊翼牛扒配香草牛油
$328
27 浏览
0 赞好
0 留言
主菜出场，脊翼牛扒配香草牛油配鹅油炸薯条(Steak Bavette Tradition Black Peppercorn Sauce Montpellier Butter, Goose Oil Fries, $328)，先食鹅油炸薯条，鹅油脂肪含量低、而且营养丰富，用鹅油去炸薯条仲好健康，食落都几香脆；脊翼牛扒即系后腰脊翼板肉，系非常瘦但又非常软嫩嘅部位，未食已经闻到好香嘅黑胡椒酱汁同香草牛油，一叉起食时牛扒好软嫩又好嚼口，黑胡椒酱汁同香草牛油直头布满响每件牛扒上面，真系好邪恶。
大厨Jeff终于忙于出嚟倾下计，倾计得知佢曾经响米芝莲二星嘅Amber、1881之前嘅St. George任职过，最近又有帮Town Gas教Disciples Escoffier课程，其实倾倾下得知我哋几年前已经识得，因为佢同我朋友之前响铜锣湾一齐拍挡开过法国餐厅，原来我仲识佢太太，世界真系细。
今次同学请客，多谢老板，我见到张单连加一$1,1xx(2个头盘、1个主菜加1枝红酒)，我哋系叫A La Carte，所以份量比较多，下次真系要试下成个set，只系$680一位(另加一服务费)，已经有我食过𠮶三样，咁份量当然少啲。
开头听到响铜锣湾登龙街地铺开间中高级法国餐厅真系艺高人胆大，心谂乜嘢料呀？成条街都无乜太多贵嘢食嘅餐厅，以呢个价钱同餐厅位置通常都只做熟客，好少walk in客，但当晚真系有熟客订咗枱之余又真系有人walk in入去食A La Carte，4个人埋单平均每人$500+，我响餐厅一post IG story已经有几个朋友话要去食，加上当我知道主厨嘅背景之后就无咁担心了，因为佢哋以前都系靠熟客起家，当年佢哋间餐厅都唔系咁易订到位，所以实力胜于一切。
张贴
