影片
更多
2017-08-23
108 浏览
湾仔拉面专门店有好多，所以一早已经出发去湾仔。不过去到男友话今晚超级肚饿，想食饭多啲。系头痕之际，上openrice睇到呢间食店既有拉面又有丼饭，一次过满足我地两个胃口！本身都系试下新野，无咩大期望，点知好好彩地食到好有水准的日食！大多既拉面店都系比清水或柠水，呢度比热煎茶，个人其实觉得热茶更消济，所以加左分。小食蒜香墨鱼咀 ($32)我系个重口味之人，见到有咁多炸蒜就知无叫错！炸左既墨鱼咀外层脆卜卜，里面既墨鱼非常爽口，一口一粒，食唔停口。而且面层洒有黑芝麻粉，份外惹味。汁烧牛舌 ($15)呢碟牛舌有五块，口感超级软熟，而且重牛味。牛舌切得够薄身，入晒烧汁味，味道似卤牛𦟌。外面烧到好似叉烧一样，脆硬香口。主食蒲烧鳗鱼丼 ($88)男友点的鳗鱼丼，一送黎时鳗鱼烧汁香气扑鼻，见到鳗鱼全盖饭面，卖相吸引。果然，鳗鱼烧得好好，鱼皮脆，肉质嫩，鳗鱼既油脂系口中慢慢溶化。重点是，鳗鱼一点细骨都无，每一啖都系肉。烧鳗鱼既底，系一层软滑的蛋丝，加上甜甜的烧汁，送饭是轻而易举！我见男友食到最后，仍然有鳗鱼送，可见鳗鱼的份量不少！黑武士拉面 ($78)黑武士系黑蒜油汤底，头一啖的汤，味道较淡，有清清的豚
大多既拉面店都系比清水或柠水，呢度比热煎茶，个人其实觉得热茶更消济，所以加左分。
小食
蒜香墨鱼咀 ($32)
我系个重口味之人，见到有咁多炸蒜就知无叫错！炸左既墨鱼咀外层脆卜卜，里面既墨鱼非常爽口，一口一粒，食唔停口。而且面层洒有黑芝麻粉，份外惹味。
汁烧牛舌 ($15)
呢碟牛舌有五块，口感超级软熟，而且重牛味。牛舌切得够薄身，入晒烧汁味，味道似卤牛𦟌。外面烧到好似叉烧一样，脆硬香口。
主食
蒲烧鳗鱼丼 ($88)
男友点的鳗鱼丼，一送黎时鳗鱼烧汁香气扑鼻，见到鳗鱼全盖饭面，卖相吸引。果然，鳗鱼烧得好好，鱼皮脆，肉质嫩，鳗鱼既油脂系口中慢慢溶化。重点是，鳗鱼一点细骨都无，每一啖都系肉。烧鳗鱼既底，系一层软滑的蛋丝，加上甜甜的烧汁，送饭是轻而易举！我见男友食到最后，仍然有鳗鱼送，可见鳗鱼的份量不少！
黑武士拉面 ($78)
黑武士系黑蒜油汤底，头一啖的汤，味道较淡，有清清的豚骨甜味。咁大个汤碗里面，有好多料，有炒香的肉碎粒，叉烧、爽口的木耳和椰菜，用甜酱油腌过的糖心蛋同紫菜。饮左第一啖汤之后，将所有配料同黑蒜油捞起，个汤即刻变得浓稠，但又不会过咸，将汤汁饮晒都唔会口渴。拉面面条属于幼，较挺身弹牙。真系估唔到呢个价钱，成碗都系𩠌，叉烧厚身，大食怪都一定食到饱。
特别之处系，呢度既豚肉有两种，客人可以按自己喜好选择要晒全叉烧、或豚角煮、或两种都要。
我自己试晒两款，两款都好味，各有千秋。叉烧的油脂比例会多啲，烧得甜甜地，入口即溶。
豚角煮比叉烧薄，除外层的皮之外，全块都系肉，零脂肪，而且卤得入味。
总结黎讲，估唔到小店有咁大既惊喜，呢度烧物特别有水准，拉面既配料同汤汁、丼饭既酱汁都调味得好好。价钱亦好实惠，一百蚊左右有高质主食、小食同饮品。虽然地点离地铁站较远，但拉面店的食物无疑吸引我再访！
张贴
