飛陽砂鍋粥潮州打冷小廚

营业中

休息中

入秋嘅夜晚舒服咗好多，呢个时候最好去打冷，就算坐室外都OK。经过呢间打冷舖坐满人，感觉应该几好，一于试吓先。蚝仔粥够2个人share，淡口咗少少，好在蚝仔无乜壳，都饱满嘅。卤水拼盘 份量都几多，有齐红肠、猪腩片、猪肠、鹅肠、蛋、大豆芽、鸡肾...个汁几好食，记住点辣椒酱，好得。食唔晒，打包返屋企，next day再食过。凉拌鱼皮 而家唔系好多地方可以食得到，所以一见到又想食。鱼皮都几爽口，冻冰冰，内有红洋葱、青瓜。用咗麻辣汁，好惹味，所有嘢都系爽爽脆脆。椒盐九肚鱼呢个唔得咗，唔够味，炸得唔够，鱼肉太湿。望见隔离枱有炸蚝饼，大份又靓仔，可惜食唔落喇，无叫。‼️呢间打冷舖门口有级唔出奇，但竟然好细级，店内都几大，算系好方便轮椅人士去当然坐店外都得啦。