滿漢小館 (已結業)

同班同事放工一齐去食饭，咁岩见到新开张嘅铺头，就齐齐去试新野，一入到去就比铺头天花上嘅灯饰吸引，冇谂过呢啲普通食店都会花心思系店舖嘅设计上，真系为店舖增添不少色彩，打破呢种传统食店嘅沉闷，喜欢。😀食物方便，梗系唔少得我最爱嘅小笼包，小笼包皮薄劲多汁，好好味，暂时系我喺沙田区食过最好食嘅，估唔到呢啲小店做得咁出色，有啲喜出望外。😍望落去平平无奇嘅茄子条🍆，又系劲好食，食咗一条会想追住食，呢碟估佢唔到，又系必食。🤤同事们有爱辣嘅人，叫咗水煮鱼，我就本身唔太食得辣啦！店主好好，主动提出调教唔太辣，等我都可以有得食，最终勉强都食到😋，见到佢嘅㷄条比平时我见嘅唔同，系阔d厚身d，一食就上瘾，鱼片份量又大块又多，平时食几食好快就冇晒啲鱼，呢次大满足，一路食一路呻鼻水到抵丫。😁食咗辣，梗系要叫番杯冻豆浆啦！叫咗黑豆浆试试，平时只会叫白豆浆，见店舖食物质素都唔错，又谂住试吓啦！因为平时黑豆浆都系比较稠，口感比较差，估唔到呢度嘅黑豆浆同白豆浆嘅口感一样，以后想再健康啲，但又唔钟意黑豆浆嘅稠，呢间就可以满足晒啦！👍🏻见到其他食客嘅嘢食，我都想试，不过我个肚始终有限，一定会再嚟帮衬，值得推介嘅食店。👍🏻