辦館 (已結業)

知道铜锣湾开咗一间以出前一丁做主题嘅餐厅，今日放学决定去拜访一下。餐厅位于铜锣湾世贸广场旁新建大厦，沿电梯直上三楼，就会见到日清仔等紧你。一入到去见到好大只嘅日清仔，仲有大大个红色布幕，同霓虹灯招牌。餐厅楼底高设计半开放式，感觉开扬，而且有室外位置。室外位置仲有电影播放。食物款式好多，饮品嘅名相当特别。黑毛和牛汉堡扒配流心蛋紫薯，蔬菜翠绿新鲜，软滑嘅蛋白流出半熟嘅蛋黄非常吸引，紫薯好甜，烧烤恰到好处，完全锁住汉堡扒的肉汁，吃起来好Juicy，而且肉汁丰富又富嚼劲。巴东牛肉饭，牛肉煮到稔好入味，味道丰富而且有层次，肉汁亦浓稠，送饭一流。HO 'L' FRESH 甜度恰到好处，有香茅嘅香味，而且荔枝味道清新。YUM 9 ME 卖相非常吸引，有大大个雪梨肉，仲有川贝、冰糖、桂花，再加少少酒香，好好饮。伯爵茶焦糖布丁，有好香嘅伯爵茶味，加上焦糖嘅甜味，成个甜品味道层次分明。