影片
更多
2011-02-27
558 浏览
11月30日, 菲菲生日夜~ 呀比神神秘秘咁带咗我去食我最钟意嘅意大利菜~ 由侍者带路, 经过长长嘅antipasto buffet table, 我地被安排到餐厅最尽头嘅一张台, 可以望晒成个餐厅! 我地order咗一份期间限定嘅special set dinner同一份lobster risotto, 慢慢享受呢一晚~::: Assorted Bread Basket ::: free之前都已经听闻过Sabatini嘅面包篮系一个亮点~ 优雅嘅铁篮子内盛载住grissini、香草包同法包~ 可能摆耐咗… d面包已经唔热喇, 不过各种面包都好松软同好香面粉味, 尤其𠮶只长长嘅面包条特别好味~ 除咗好味嘅牛油之外仲有三只面包酱比你搽面包, 我地一致认为只pesto酱好好味好夹d包~ 其他两只就一般啦~::: Special Set Dinner ::: $938::: Selection of Roman Appetizers ::: 我地order嘅set dinner有份Selection of Roman Appetizers, 由waiter帮我地喺出面个antipasto b
::: Assorted Bread Basket ::: free
之前都已经听闻过Sabatini嘅面包篮系一个亮点~ 优雅嘅铁篮子内盛载住grissini、香草包同法包~ 可能摆耐咗… d面包已经唔热喇, 不过各种面包都好松软同好香面粉味, 尤其𠮶只长长嘅面包条特别好味~ 除咗好味嘅牛油之外仲有三只面包酱比你搽面包, 我地一致认为只pesto酱好好味好夹d包~ 其他两只就一般啦~
::: Special Set Dinner ::: $938::: Selection of Roman Appetizers :::
我地order嘅set dinner有份Selection of Roman Appetizers, 由waiter帮我地喺出面个antipasto buffet table度拣, 唔洗自己动手. Platter上面有parma ham, cold cut同埋一d grill过嘅蔬菜. Parma ham 嘅蜜瓜清甜, 配上薄薄一片微咸火腿好好味~ 其他蔬菜都够新鲜香甜, 不错!
::: Beef and Capon Consomme with Beaten Egg and Parmesan ::: 呢个肉汤望落好清~ 饮落又会渗出淡淡嘅牛肉同鸡肉味道~ 蛋花滑, 但就唔太饮得出有 parmesan 味…
::: Homemade Tagliolini Pasta with White Truffle Butter and Fresh White Truffle :::用上时令白松露菌加牛油去做酱汁, 配上餐厅自制嘅意大利粉… 一上台已经香气扑鼻! 白松露菌牛油汁超级香浓, 质地浓淡适中, 虽然用上唔少牛油但入口一d都唔油腻! Homemade嘅Tagliolini Pasta充满弹性, 富有面粉同蛋香, 而且条条都可以吸收晒d牛油酱汁~ 十分好味! 新鲜白松露菌切片亦系点精之作, 好脆味道好似杏仁~ 推介推介!!
::: Veal Escalopes with Parma Ham, Sage and White Wine Sauce :::从鱼同牛肉之间拣咗后者, 肉味唔太浓, 仲有d被parma ham嘅味道盖过… 不过个sauce味道唔错, 清清地之中又可以带出肉嘅鲜味. 用嚟点露笋或者薯茸一齐食亦不错~ 薯茸加咗好多牛油, 所以食落比一般嘅creamy, 但系食多几啖会开始觉得漏~ 整体不过不失啦~
::: Traditional Roman Trifle :::原本嘅蛋糕变成呀菲嘅生日蛋糕~ 由live band 一边唱生日歌一边愉快送上! 两片海绵蛋糕中夹著薄薄一层忌廉同埋榛子粒, 蛋糕松软, 味道甜而不腻~ 伴碟嘅杂苺新鲜香甜, 整体都好好!!
::: Boston Lobster Risotto ::: $688呀比话一定要试下呢度嘅Lobster Risotto~ 分别有波士顿同澳洲两款龙虾比我地拣, waiter话我地要细只d嘅波士顿龙虾都已经够食! 其实份量都算大, 仲有个侍应专业地为我地准备~ risotto会先喺台边嘅serving table度分好两碟比我地share~ 侍应将已经开咗边嘅龙虾拆肉, 由虾尾开始纯熟地将2/3嘅虾壳拆出, 和虾钳一齐再放于risotto上, 最后有条理地淋上浓浓嘅龙虾汁~ 只系睇侍应干净利落嘅手势已经值晒!
龙虾肉够晒爽口弹牙, 鲜味十足! 惊喜嘅系虾头十分多膏!! 龙虾汁味道自然浓郁, 配上煮得刚好嘅意大利饭好夹~ 乜都扫清! 呢度菜真系令人食过番寻味~
::: Tiramisu ::: $85呀菲嘅生日饭又点能够无甜品呢? 虽然好多人都赞呢度嘅St. Honore, 但呀菲都系拣咗佢嘅 all-time favourite tiramisu! 呢度嘅tiramisu系比较软身creamy嘅质地~ 卖相有d似平时食buffet自己cut件cake出嚟咁嘅样… 手指饼部份沾满咖啡酒, 质地淋得有d似蛋糕. 芝士味道突出得嚟唔会抢去手指饼嘅咖啡味~ 整体都好唔错~ 食完亦唔会觉得好滞~ good!!
::: Cappuccino :::虽然已经食到好饱… 但餐饮依然叫咗杯cappuccino~ 厚厚一层奶泡够晒丰盈! 咖啡香滑, 味道微甜带甘, 连奶泡一口喝下又添一番味道, 为整晚菜式复杂味道来个完满总结~
::: Italian Cookies :::估唔到我地二人份嘅曲奇都有咁多! 底层嘅榛子曲奇同杏仁曲奇好香脆~ 上层嘅朱古力则较为甜腻~ 食一两粒已经够晒喉!
虽然呢度位处3楼, 环境密封亦无景观可言, 但周围满有格调嘅装修同夜晚先有嘅live band已经令餐厅充满气氛! 服务上平均每个waiter会负责照顾两至三枱客人, 态度算几殷勤~ 成晚都过得好开心, 临尾仲见到呢度嘅首席厨师 Silvertro Sabatini喺度品酒, 佢仲好nice咁同我地影咗张合照添! 呢餐生日饭真系好难忘呀~~~
张贴
