阿桂老友粉 (已結業)

唔系第一次嚟阿桂食私房菜， 每次来都好有惊喜。 老火炖汤同煎馒头系每次必食嘅食物 (但因为太好食今晚唔记得影相)。至于海鲜，大厨会买当日最新鲜嘅海鲜煮畀我哋食。 今晚我哋就有上汤焗龙虾伊面，炒圣子皇，龙趸球西兰花， 姜葱炒蟹 ，大厨煮海鲜嘅火喉真系啱啱好值得一赞。 另外仲有糖醋骨同口水鸡，口水鸡肉质好嫩好入味，麻辣度适中。 糖醋骨亦炸得通透唔干身。 毫无疑问呢度系一间隐世好味嘅食堂， 我会真心推介俾朋友。