影片
更多
2017-05-13
2272 浏览
讲到依个「景点」就绝非第一次帮衬，不过，写佢食评就真喺少，因为，真喺嚟亲唔喺鲜榨蔗汁，就喺蔗汁糕，从未食过其他嘢。其实，今次都喺，只不过事缘带朋友专登走过嚟中上环影壁画，就顺道带佢哋嚟公利小休，兼试试佢哋啲招牌。公利真喺唔止一家卖传统中式嘢饮嘅小店，更喺活化古迹啦！铺内仲喺保留紧50、60年代凉茶铺嘅格局，怀旧纸皮石，古老酸枝枱櫈，依啲老店晌香港所剩无几，所以，已变成唔少游客嘅景点。好多人都只知公利卖竹蔗汁，其实，佢有唔少其他出品，如鸡骨草、五花茶、火麻仁、罗汉果水、龟苓膏……等等。竹蔗汁 $13竹蔗汁喺佢哋嘅名物，饮过你就知喺无得输，睇铺面嘅招牌「真料竹蔗水」，够胆咁讲就知有几坚。而且，哥仔就晌铺内玩场即榨，称得上新鲜现榨，童叟无欺，啲蔗汁入口蔗味超浓郁，又清甜，更喺爽心凉，饮完一杯爽晒。蔗汁糕 $15一小碗蔗汁糕，老板娘已帮手轻轻鎅开4件，笃起嚟件糕「震藤藤」，口感好软绵，清爽，不过，饮完啲竹蔗汁先食糕，啲糕变得无咁甜，蔗味亦唔及啲竹蔗汁咁浓，所以，建议先食糕，后饮竹蔗汁，效果应该好好多。抖一抖，我哋再起行，继续沿荷李活道往上环方向行寻找壁画，并顺道参观埋元创坊、基督教青年会……等
公利真喺唔止一家卖传统中式嘢饮嘅小店，更喺活化古迹啦！铺内仲喺保留紧50、60年代凉茶铺嘅格局，怀旧纸皮石，古老酸枝枱櫈，依啲老店晌香港所剩无几，所以，已变成唔少游客嘅景点。
好多人都只知公利卖竹蔗汁，其实，佢有唔少其他出品，如鸡骨草、五花茶、火麻仁、罗汉果水、龟苓膏……等等。
竹蔗汁 $13竹蔗汁喺佢哋嘅名物，饮过你就知喺无得输，睇铺面嘅招牌「真料竹蔗水」，够胆咁讲就知有几坚。而且，哥仔就晌铺内玩场即榨，称得上新鲜现榨，童叟无欺，啲蔗汁入口蔗味超浓郁，又清甜，更喺爽心凉，饮完一杯爽晒。
蔗汁糕 $15一小碗蔗汁糕，老板娘已帮手轻轻鎅开4件，笃起嚟件糕「震藤藤」，口感好软绵，清爽，不过，饮完啲竹蔗汁先食糕，啲糕变得无咁甜，蔗味亦唔及啲竹蔗汁咁浓，所以，建议先食糕，后饮竹蔗汁，效果应该好好多。
抖一抖，我哋再起行，继续沿荷李活道往上环方向行寻找壁画，并顺道参观埋元创坊、基督教青年会……等景点，终站喺太平山街一带。
朋友满「影」而归，亦满意小弟依位临时「哎吔」导赏员，更计划等天气凉返啲，再去西环觅食寻壁画。
张贴
