Mazazu Crepe (已結業)

因为两只马骝努力游泳！辛苦完，奖佢哋食甜点！之前买了团购现金卷，所以一齐上来食！位置其实好偏僻，横街唐楼一楼，地方要按钟仔等店员开闸！仲有部古董电梯（要自己开电梯门，里面有铁闸），两只马骝觉得好新鲜！上到一楼推开门，个女店员趴在柜位训觉 听到门铃响先抬头招呼随便坐！当时店内有一枱客食紧，地方干净光猛企理，自己拣张四人枱坐低！佢就放低餐牌走咗！其实食品价钱都几贵，近门口有个玻璃柜放咗啲腊制食物样办，两只马骝跟样办拣咗食物，我叫训觉女店员落单，佢先同我讲腊制demo餐单上系无嘅（即系装饰品），但我行出去玻璃柜时，佢系见到我嘅（好近佢训觉个位），当时佢又唔讲，到念好晒先讲 ！再跟餐牌拣多次，又系佢招呼我，落好食物好快上枱，卖相好靓！61--蓝莓酱鲜什莓配软雪榚薄烤饼（$65）63--草莓酱鲜草莓芝士蛋糕配软雪榚薄烤饼（$69）其实都系鲜士多碑梨软雪榚pancake,只不过一个配芝士蛋糕，一个配新鲜蓝莓！牛奶软雪榚香浓牛奶味，不过质感唔够挺，好快溶！pancake烟韧，莓酱酸甜，水果爽脆，芝士蛋糕松软（芝士味不般！）配埋一齐食，口感丰富，味道真系唔错！但呢个价钱食个pancake雪榚唔系好