影片
更多
2023-11-17
646 浏览
六日晚饭繁忙时段好多人等位，都要等成半个钟先入得。见唔多人叫酸菜鱼，普遍都系叫干锅。土豪版酸菜鱼 $328★★★★☆汤底够浓郁，但系偏向油腻，食完系会有口渴。鱼片份量都几多，食极都有，鱼片基本上冇骨几嫩滑，但食落唔算特别新鲜。配料几足，酸菜够味，但汤底会越食越酸，而一啲比较易入味嘅例如莴笋会好酸辣后期。三个人食都完全够食，仲加上有阔薯粉、金针菇、萝白之类，整体呢个份量系够食。凉拌土豆丝 $43★★★★☆土豆粗幼刚好入味，食落够哂爽脆，有D蒜蓉加酸辣味啱啱好。虽然唔系特别难整嘅菜式，但酸酸辣辣劲开胃，食酸菜鱼觉油腻，整番一两啖一流。🌶干煸四季豆 $68★★★☆☆呢个正常发挥，同一般出面食到嘅味道一样。四季豆保持爽脆唔会太淋，连埋啲肉碎几开惹味好𩠌饭，𩠌酒都一流。川式口水鸡 $68 ★★★☆☆口水鸡个酱汁几出色，𩠌饭一流。鸡肉都一般啦，唔系特别嫩滑，鸡胸位都系鞋干，都系个酱汁搭救。加上佢应该系整定一份份，个鸡雪左一段时间，鸡肉口感唔系话咁好。🌟总括：酸菜鱼份量多几抵食，但偏向油左少少，落单个阵可以问下可唔可以少油。其他小菜普通正常，睇自己钟意食边款叫。
土豪版酸菜鱼 $328★★★★☆
汤底够浓郁，但系偏向油腻，食完系会有口渴。鱼片份量都几多，食极都有，鱼片基本上冇骨几嫩滑，但食落唔算特别新鲜。配料几足，酸菜够味，但汤底会越食越酸，而一啲比较易入味嘅例如莴笋会好酸辣后期。三个人食都完全够食，仲加上有阔薯粉、金针菇、萝白之类，整体呢个份量系够食。
凉拌土豆丝 $43★★★★☆
土豆粗幼刚好入味，食落够哂爽脆，有D蒜蓉加酸辣味啱啱好。虽然唔系特别难整嘅菜式，但酸酸辣辣劲开胃，食酸菜鱼觉油腻，整番一两啖一流。
🌶干煸四季豆 $68★★★☆☆
呢个正常发挥，同一般出面食到嘅味道一样。四季豆保持爽脆唔会太淋，连埋啲肉碎几开惹味好𩠌饭，𩠌酒都一流。
川式口水鸡 $68 ★★★☆☆
口水鸡个酱汁几出色，𩠌饭一流。鸡肉都一般啦，唔系特别嫩滑，鸡胸位都系鞋干，都系个酱汁搭救。加上佢应该系整定一份份，个鸡雪左一段时间，鸡肉口感唔系话咁好。
🌟总括：酸菜鱼份量多几抵食，但偏向油左少少，落单个阵可以问下可唔可以少油。其他小菜普通正常，睇自己钟意食边款叫。
张贴
