影片
更多
2023-02-21
477 浏览
情人节唔想同人逼、又唔想次次食西餐，于是来点新意思，同男朋友提早一晚庆祝情人节，兼试下高级中菜😋。由旺角朗豪坊步行7️分钟就到位于旺角希尔顿花园酒店2楼嘅「鹰巢」中菜厅，旺中带静，非常方便！细食嘅我哋今次拣咗「鹰巢精选尝味二人餐」(虽然最后都系饱到揽住个肚😝)。鹰巢精选尝味二人餐：- 金牌叉烧皇 拼 冰烧三层肉- 芝士焗蟹盖- 万寿果炖海中宝- 意大利黑醋猪柳- 鲜瓷实浓鸡汤浸菜苗- 姜米虾仁蛋白炒饭- 桂圆莲子炖桃胶 拼 杏香荔蓉绿豆酥 📣推广限定 (两位用)☑️ 星期一至四 $688☑️ 星期五、六、日公众假期及前夕 $788 🗯推广期由即日至2023年3月31日 (早食早享受🤫)🐷金牌叉烧皇拼冰烧三层肉烧肉卜卜脆、叉烧切得好厚身，入口烟韧，蜜汁鲜甜！🦀芝士焗蟹盖是晚No.1最惊艳嘅菜式！精致嘅金蟹形食器令人忍唔到哗一声叫出嚟。芝士焗到㶶㶶地，香味四溢，蟹盖里面嘅有一丝丝嘅蟹肉同洋葱粒，增加爽口滋味！真系好想encore多一只！🍲万寿果炖海中宝是晚No.2最回味菜式，所谓「万寿果」即系木瓜。我本身唔中意食木瓜，但呢个木瓜真系炖得超甜😍！木瓜肉入口即溶，炖汤嘅材料丰富，有竹笙碎、菜心片、虾
鹰巢精选尝味二人餐：
- 金牌叉烧皇 拼 冰烧三层肉
- 芝士焗蟹盖
- 万寿果炖海中宝
- 意大利黑醋猪柳
- 鲜瓷实浓鸡汤浸菜苗
- 姜米虾仁蛋白炒饭
- 桂圆莲子炖桃胶 拼 杏香荔蓉绿豆酥
📣推广限定 (两位用)
☑️ 星期一至四 $688
☑️ 星期五、六、日公众假期及前夕 $788
🗯推广期由即日至2023年3月31日 (早食早享受🤫)
🐷金牌叉烧皇拼冰烧三层肉
烧肉卜卜脆、叉烧切得好厚身，入口烟韧，蜜汁鲜甜！
🦀芝士焗蟹盖是晚No.1最惊艳嘅菜式！精致嘅金蟹形食器令人忍唔到哗一声叫出嚟。芝士焗到㶶㶶地，香味四溢，蟹盖里面嘅有一丝丝嘅蟹肉同洋葱粒，增加爽口滋味！真系好想encore多一只！
🍲万寿果炖海中宝是晚No.2最回味菜式，所谓「万寿果」即系木瓜。我本身唔中意食木瓜，但呢个木瓜真系炖得超甜😍！木瓜肉入口即溶，炖汤嘅材料丰富，有竹笙碎、菜心片、虾、带子、蟹肉、鲜菇、莲子，诚意十足，饮完即刻暖身又醒神，又好想encore多一碗哈哈！
🐷意大利黑醋猪柳意大利黑醋嘅酸味正好用嚟中和油腻，猪柳炸得好够镬气，且爽口弹牙，配埋三色椒就冇咁热气。
🥬鲜瓷实浓鸡汤浸菜苗豆苗系我中意食嘅蔬菜之一，用上汤浸嘅方法亦系最鲜味，呢道菜嘅难得之处，系鸡汤唔会盖过豆苗嘅鲜爽，加埋瓷实相当健脾益气。
🦐姜米虾仁蛋白炒饭本身以为会好似外面食嘅虾仁炒饭咁，一粒粒细虾仁，估唔到系大大一只虾，爽口弹牙😋！饭炒得好干身、粒粒分明，带有姜味而唔辛辣，蛋白细滑，完美地同炒饭融合。
🥢桂圆莲子炖桃胶 拼 杏香荔蓉绿豆酥 桂圆莲子炖桃胶：材料十足，中意佢唔太甜腻，食到桂圆、红枣、桃胶自带嘅鲜甜。
杏香荔蓉绿豆酥：第一啖食落去咸咸地，有咸水角嘅味道，之后就食到荔蓉同绿豆嘅清甜。建议直接咬开一半，感受先咸后甜喺味蕾上游戏！
------------------------------环境方面，鹰巢中菜厅空间感阔落，加上星期一晚相对宁静，可以好舒服咁享受一个pre-情人节晚餐。
服务方面，上菜速度好快，而且酒店职员十分友善，会主动问客人菜式如何。由于万寿果炖海中宝实在太好饮，忍唔住职员里面有咩材料，职员都立刻帮我入去厨房问师父，非常好客专业！想享受宁静又高质嘅中菜，绝对不能错过旺角希尔顿花园酒店「鹰巢」中菜厅！
张贴
