居食屋「和民」 (已結業)

⼀年一度嘅平安夜，又有藉口出去食大餐啦今次就拣咗好耐冇去嘅和民，贪佢都叫做多选择呀嘛。石锅明太子沙律酱牛肉饭石锅饭温度好够热，捞匀之后每粒饭都沾到有明太子沙律酱，味道不错，只系略嫌牛肉份量偏少。滑蛋广岛炸生蚝卖相就做得好好嘅，但系食落口就有啲失望虽然佢都做到有滑蛋嘅效果，但系整体味道偏咸，而且好粉，觉得系食紧面粉多过食蚝。原只香浓芝士鸡烧腿卖相相当吸引，同餐牌上面嘅相片分别不大。但有一点系比较可惜，虽然我自己本身都好钟意食芝士，但系呢一碟鸡烧腿嘅芝士实在系偏咸，太重口味，另外鸡肉亦都唔够滑广岛县产牡蛎海鲜锅成个锅整体来讲其实都算相当唔错，海鲜亦都食得出系新鲜货。但系有一样野系觉得几失望。当时我哋食到觉得有啲辣，于是就向店员问下呢个系咩汤底，从而得知原来呢个系柚子胡椒汤底，但系餐牌上面系冇写到佢系辣嘅我觉得咁样对于唔食得辣嘅朋友就唔系咁好，如果我知道佢系辣嘅，就唔会拣佢不过，好彩最后店员都几友善，好乐意咁帮我地即刻换上清汤，都算补镬成功啦。