京都勝牛x TOKYO DOLCI (已結業)

早几年有段时间有兴食炸牛扒，因为啱啱嚟香港，有一排开咗几间唔同嘅炸牛扒。今次第一次食京都胜牛，环境都几舒服，人多得嚟又唔会觉得好嘈，自己叫咗个元祖炸牛扒，呢间餐厅最好系可以任添椰菜丝、面豉汤同饭，一定可以食得饱😂牛扒份量比想像中大，切开咗有成十几块。牛扒唔韧，好易咬开，但牛味就唔系好出啦。同埋牛扒比较薄身，就会觉得食炸衣多过牛扒。佢另外俾咗个石板可以整熟啲块牛，我就轻轻煎一煎，怕煎太耐会熟得滞，块石板都够热，食都最后两三块至无乜热力。