Via Tokyo (已結業)

星期五晚同朋友食完晚饭，梗系要食返个甜品作结。港岛人过左海就会唔多识揾食，就靠身边的朋友带路，然后佢就带左我黎系餐厅附近的呢间VIA TOKYO! 自己好中意VIA TOKYO, 去亲铜锣湾，口痕都会想去买个绿茶雪糕黎食，因为真系好香好浓好滑。可能系我平时同朋友分享我成日食呢间，所以佢都特登带我黎食。星期五晚不意外的好多人系度排队，我地见上一餐已经食到好饱，就谂住外卖个雪糕，边食边行边消化~ 哈~每次食亲都系绿茶味，朋加叫我今次试下新口味。好啦，都唔可以成日都一成不变嘅，就试下个期间限定嘅芝麻口味。雪糕质感好企身，食得出用料好足，芝麻味非常香浓，食唔到渣，但入口又好幼滑。配料都唔错，小丸子够烟韧，红豆够香甜。食完个雪糕，真系可以好好总结呢个happy friday了~