過橋麵檔

营业中

休息中

特登约朋友嚟食鸡饭，估唔到未到门前，门口已经堆左十几人等紧位！好彩都唔系要等好耐，晏昼系前几条街食完拉面天王，晚饭又嚟到过桥面档！其实都系等左15分钟，但就愈等愈肚饿。同朋友一坐低就即刻点左两个鸡饭餐，两只辣椒嘅霸王鸡同三只辣椒标志嘅巴辣鸡，仲各加6蚊要左杯冻柠茶同例汤。原本同朋友对住坐，但后尾有客入嚟，店员就叫左我同朋友要排排坐⋯=_="但冇所谓啦，虽然就唔及对住坐咁好倾偈，但唔阻人地做生意都系一种礼貌嚟嘅。等左一阵，两个餐好快就上台喇～卖相相当吸引！霸王鸡上面铺左好多葱丝，真系我至爱！！仲有香喷喷嘅炸蒜，同红红嘅辣椒粒，睇见到都已经好好味。鸡肉入口好嫩滑，虽然就鸡味软淡，但以雪藏鸡嘅质素，可以烹调出咁嘅味道，已经算好味喇！铺底仲有好多芽菜，正！巴辣鸡就冇乜配料，只系有佢独有嘅辣酱淋面，睇个样都唔觉佢辣，肉质都好嫩滑，食多两件，就真系愈食愈辣⋯好野味！！建议食左霸王鸡先好食巴辣鸡，因为巴辣鸡实在太抢味，食左巴辣鸡先，就应该试唔返霸王鸡啲味。虽然霸王鸡有两椒标志，但其实一啲都唔辣。再嚟一碗满满嘅菜饭，饱呀！