金色不如帰 (國際金融中心商場)

营业中

休息中

原本打算去日本食咗先再帮衬香港店。无奈疫情下去唔刊东京，只好改变计划，先去香港店品尝。贝汁盐味拉面汤头清香嘅贝汁味，将黑松露酱拌匀，味道更上一层楼。贝汁酱油拉面同盐味一样，汤头清香嘅贝汁味，加上酱油嘅汤底，显出另一风格。虽然味道同年头东京旅行时买嘅碗面一样，但当然比碗面更好味啦。烧豚肉叉烧小碗饭食拉面当然系要加埋小碗饭啦，薄薄嘅烧豚肉油香而不腻，小碗底亦有酱汁，确保每粒饭都可以有酱汁拌匀。吉列芝士豚肉棒炸得非常之香脆，内里嘅芝士已经溶化，一口咬开可以拉出芝士丝。而内里嘅豚肉唔会炸到干晒，只是略嫌味道较淡。