影片
更多
2023-08-16
453 浏览
又到左一个月一次嘅月经饭，朋友话好耐冇食过串烧，见到元朗开咗呢间专食串烧嘅酒吧餐厅，一于过嚟Chill下。佢呢度嘅环境都几好，有个好靓嘅吧枱，够晒开扬，又有个超级大电视俾人睇波，应该都几好气氛。佢呢度嘅串烧种类真系好多，绝对系过百款，有唔同嘅部位，内脏或者味道。好似呢款鸡髀肉咁，可以一串系盐烧一串系芝士味，啱晒唔同人嘅需要。佢个鸡髀肉都几滑，热辣辣真系几好食。然后佢啲多春鱼的烧得够晒干身，唔错。之后佢啲鸡翼都有唔同嘅味道，分别系盐烧同埋蜜糖，最重要嘅系佢啲鸡翼唔会烧到干晒，出边个皮又烧到脆卜卜，系正嘅。平时食烧白鳝就食得多，烧东星斑你食过未？咁就可以嚟试吓啦，因为佢呢度竟然有得嗌。个鱼皮都系烧到脆卜卜亦都好厚肉，不过就会干身咗少少，但系绝对满足到啖啖肉嘅欲望。所以我自己觉得原来攞嚟烧嘅话，都系白鳝好食啲，可能因为佢襟烧啲冇咁易干。另外我哋叫咗一份烧贵妃蚌，佢啲贵妃蚌都真系好大只，呢个都要俾个叻佢。因为烧到啱啱好，仲好JuicY添。另外仲有盐烧广岛蚝，一串三只又几抵食，粒粒都胀卜卜，净系睇个样都觉得好吸引。不过如果唔系太过熟嘅话会更加好。我见到佢有玉子烧，佢个玉子烧都烧得几好味，甜甜地，
佢呢度嘅环境都几好，有个好靓嘅吧枱，够晒开扬，又有个超级大电视俾人睇波，应该都几好气氛。
佢呢度嘅串烧种类真系好多，绝对系过百款，有唔同嘅部位，内脏或者味道。好似呢款鸡髀肉咁，可以一串系盐烧一串系芝士味，啱晒唔同人嘅需要。佢个鸡髀肉都几滑，热辣辣真系几好食。然后佢啲多春鱼的烧得够晒干身，唔错。
之后佢啲鸡翼都有唔同嘅味道，分别系盐烧同埋蜜糖，最重要嘅系佢啲鸡翼唔会烧到干晒，出边个皮又烧到脆卜卜，系正嘅。
平时食烧白鳝就食得多，烧东星斑你食过未？咁就可以嚟试吓啦，因为佢呢度竟然有得嗌。个鱼皮都系烧到脆卜卜亦都好厚肉，不过就会干身咗少少，但系绝对满足到啖啖肉嘅欲望。
所以我自己觉得原来攞嚟烧嘅话，都系白鳝好食啲，可能因为佢襟烧啲冇咁易干。
另外我哋叫咗一份烧贵妃蚌，佢啲贵妃蚌都真系好大只，呢个都要俾个叻佢。因为烧到啱啱好，仲好JuicY添。
另外仲有盐烧广岛蚝，一串三只又几抵食，粒粒都胀卜卜，净系睇个样都觉得好吸引。不过如果唔系太过熟嘅话会更加好。
我见到佢有玉子烧，佢个玉子烧都烧得几好味，甜甜地，唔会太干。
蔬菜类我哋叫咗个烧大啡菇，我哋都冇预过原来佢只菇系咁丰富，有火腿同埋鹌鹑蛋喺上面。不过佢只菇一咬落去真系好Juicy。
最后个烧韭菜，朋友劲钟意食，因为佢笑得好好，唔会太老又唔会太干。
饮品方面，我叫咗佢呢度嘅麒麟啤酒，佢呢款麒麟啤有三只唔同嘅味道，分别有白桃，玫瑰同埋原味。我自己拣咗呢款白桃味，见佢咁有造型，原来上面啲泡系沙冰嚟嘅，饮落去冻冰冰，淡淡的白桃味，唔会太苦，都几好饮㗎，啤酒衬串烧真系一流。
张贴
