影片
更多
2018-08-24
471 浏览
师傅有好几次都路经呢个地方，见到呢间食店，都不期然会想入去试一试，可惜每次经过嘅时候师傅都食饱饱，所以只能仿效大禹一样，三次过门而不入，今日师傅终于能够黎呢间食店试一试，皆因师傅要嚟附近睇场影话戏，既然你得呢头梗系入去食得番一餐先。入到去都几多人，求其揾个位坐低之后就叫嘢食，款式选择都比较多，花多眼乱搞到师傅都拿不定主意，最后谂咗好耐师傅决定柯打一碗肥牛腩河粉，再加上一碟鱼皮，作为今日嘅午餐。炸鱼皮首先登场，12蚊一碟嚟讲份量都算唔细㖞，入口卜卜脆，一啲都唔韧，好香好脆，正呀! 等咗一阵一碗肥腩河放喺师傅面前，分量都唔细，先试试汤底，汤底香浓 味精唔算多，唔敢话冇，不过几好味，至于牛腩，切得井井有条，牛腩入口香而入味，而且从一啲都唔鞋，配上少少肥膏，𠮶个份量入口咁简直一流到爆，河粉本身都几滑，整体水准不俗。食饱饱之后再柯打咗一杯冻柠茶饮，冻柠茶都好大杯，一杯有四至五片柠檬，而柠檬茶底香浓而不涩，好味!总括嚟讲师傅对呢间食店嘅第一印象不俗，食物质素非常之好，环境亦都算清洁干净，价钱大众化合理，不过如果要食碗坑腩面都要成四十几蚊一碗，断估质素都应该不错，如果有机会再嚟嘅话，师傅都会仲想试下
入到去都几多人，求其揾个位坐低之后就叫嘢食，款式选择都比较多，花多眼乱搞到师傅都拿不定主意，最后谂咗好耐师傅决定柯打一碗肥牛腩河粉，再加上一碟鱼皮，作为今日嘅午餐。
炸鱼皮首先登场，12蚊一碟嚟讲份量都算唔细㖞，入口卜卜脆，一啲都唔韧，好香好脆，正呀! 等咗一阵一碗肥腩河放喺师傅面前，分量都唔细，先试试汤底，汤底香浓 味精唔算多，唔敢话冇，不过几好味，至于牛腩，切得井井有条，牛腩入口香而入味，而且从一啲都唔鞋，配上少少肥膏，𠮶个份量入口咁简直一流到爆，河粉本身都几滑，整体水准不俗。
食饱饱之后再柯打咗一杯冻柠茶饮，冻柠茶都好大杯，一杯有四至五片柠檬，而柠檬茶底香浓而不涩，好味!
总括嚟讲师傅对呢间食店嘅第一印象不俗，食物质素非常之好，环境亦都算清洁干净，价钱大众化合理，不过如果要食碗坑腩面都要成四十几蚊一碗，断估质素都应该不错，如果有机会再嚟嘅话，师傅都会仲想试下其他食物。饱餐过后，师父怀著满意嘅心情去睇影画戏。
牛腩河
$32
24 浏览
0 赞好
0 留言
炸鱼皮
$12
43 浏览
0 赞好
0 留言
张贴
