影片
更多
2011-03-26
68 浏览
早一阵子师傅做左一个非常重大的决定, 就系要与我最深爱的内脏食物分手, 分手原因好老土, 就系因了解而分开; 临别秋波, 无理由唔食埋最后一次, 于是相约好友食家"乜都放入窿"齐齐食餐饭! 而好友食家"乜都放入窿"知道师傅分手在即, 于是就决定同师傅黎呢间食店, 等师傅可以作个最后回忆! 地点一早确定, 师傅约埋好友食家"乜都放入窿"就齐齐行去, 而师傅就怀著一颗期待加不舍嘅心情入到食店; 坐底后就商量下有咩想食, 其实黎呢间食店最主要系猪杂, 所以呢道菜系绝对唔会唔叫, 而好友食家"乜都放入窿"就拣左一碗生菜粥, 而师傅就拣左牛筋捞面, 再加多一碟炸云吞! 当柯打猪杂的一刹那, 侍应就问要白灼定炆? 好友食家"乜都放入窿"就问炆系点炆? 但师傅估都估唔到个侍应会咁讲, “炆咪就系用个煲黎炆啰!” 师傅当堂O晒咀, 哗点样炆都唔讲, 粟子炆又得, 疆葱炆又得, 就算你话誊条炆都得, 但佢偏偏话用个煲黎炆, 绝对吹涨! 为免纠缠下去, 师傅决定拣白灼!唔使等好耐就已经有得食, 师傅就冇试到生菜粥, 反而第一时间试牛筋捞面, 牛筋捞面卖相好靓, 好吸引, 而且牛筋炆得好腍, 柱侯味够香够入
地点一早确定, 师傅约埋好友食家"乜都放入窿"就齐齐行去, 而师傅就怀著一颗期待加不舍嘅心情入到食店; 坐底后就商量下有咩想食, 其实黎呢间食店最主要系猪杂, 所以呢道菜系绝对唔会唔叫, 而好友食家"乜都放入窿"就拣左一碗生菜粥, 而师傅就拣左牛筋捞面, 再加多一碟炸云吞! 当柯打猪杂的一刹那, 侍应就问要白灼定炆? 好友食家"乜都放入窿"就问炆系点炆? 但师傅估都估唔到个侍应会咁讲, “炆咪就系用个煲黎炆啰!” 师傅当堂O晒咀, 哗点样炆都唔讲, 粟子炆又得, 疆葱炆又得, 就算你话誊条炆都得, 但佢偏偏话用个煲黎炆, 绝对吹涨! 为免纠缠下去, 师傅决定拣白灼!
唔使等好耐就已经有得食, 师傅就冇试到生菜粥, 反而第一时间试牛筋捞面, 牛筋捞面卖相好靓, 好吸引, 而且牛筋炆得好腍, 柱侯味够香够入味, 真的不错, 加上捞面嘅面身爽口弹牙, 口感绝对一流, 加上冇碱水味, 非常之正; 而配上嘅汤亦够清甜, 有虾籽嘅香味, 成碟捞面嘅配搭算得上一绝!
炸云吞绝对系即叫即炸, 皆因一放上枱上, 师傅就见到𠮶种热气, 真系热辣辣嘅热气, 一碟有五至六件, 云吞炸得好脆, 冇油味亦唔油腻, 而且馅料亦不赖皮, 皆因虾肉都几多, 不比未炸的云吞差; 但如果用同类食品炸九菜饺相比下, 就会失色少少, 此终九菜有种好香好吸引嘅味道, 而云吞就冇左, 比师傅再拣多一次, 师傅一定要炸九菜饺!
最后系白灼猪杂, 猪杂有猪润, 猪腰, 粉肠同猪心等, 成个猪杂都真系好新鲜, 灼得绝不过火, 入口鲜嫩爽口, 而且咁多款都冇边样系整得唔得, 成碟猪杂绝对系高水准; 不过唯一令师傅同好友食家"乜都放入窿"觉得失望, 就系份量比较少, 呢碟白灼猪杂只不过系比及第粥嘅料多少少, 但价钱就贵得多, 由于之前已经领教过及第粥, 所以师傅同好友食家"乜都放入窿"都觉得要两碗及第粥仲会抵好多啰!
总括黎讲食物继续维持高水准, 非常出色, 服务亦算友善, 环境舒服干净, 价钱唔系贵, 不过实价师傅已经唔记得左, 恕未能例出! 作为同内脏分手前的最后一餐, 师傅都算得上非常满足; 虽然千万个不舍, 但仍得分手; 呢间食店师傅相信绝对会再黎, 不过几时就唔知, 可能再来时就系师傅同内脏重修旧时, 亦就系同呢间食店重聚之时, 笑脸系绝对要比, 并希望食店继续努力啦!
张贴
