Hokahoka

营业中

休息中

朋友介绍之下嚟咗呢一间日本菜，朋友话呢道有人会现场唱歌，不过好可惜今日冇得坐榻榻米冇得睇。一坐低佢就俾咗一杯茶同埋一个小小前菜。见到呢个味噌前菜就知道呢间餐厅一定好地道。见佢个menu都几多选择，唔觉唔觉两个人叫咗一份墨鱼咀、一份清酒煮蚬、两串烧牛舌、一份枝豆、一份烧明太子同一个味噌饭团。墨鱼咀令人非常惊艳，炸得恰到好处，脆脆嘅外壳包住炸刚刚好嘅墨鱼咀，仲好多汁。清酒煮蚬亦好鲜甜，好大只，虽然唔系只只都完全冇沙但系都算清得几干净。而烧牛舌亦好厚，但唔会过熟，烧得岩岩好，非常软嫩。比较失色嘅系枝豆同埋味噌饭团。唔系话唔好食，不过相比之下枝豆冇特别出众，而味噌饭团亦略咸咗少少。最后想特别一提嘅系烧明太子，我同朋友都系抱着试一试嘅心态，我唔可以话非常钟意食但系佢嘅味道好特别，因为比较咸如果配酒会非常之夹，推荐大家试下。