勝香園

营业中

休息中

成日都心丝丝想黎再食，除左呢到美食正，最钟意呢到嘅人情味够哂地道，靓姐们佢地睇落好似好恶死咁，但其实只系佢地直长直肠嘅真性情。星期六中午黎排半个钟左右就入得去坐，呢到样样都要快，快落单，快上菜，快食完，快走人。 茄牛餐蛋面 $36蕃茄汤味浓而偏向酸口，见佢用左好多茄膏，分量正常，牛肉滑口，蛋系流心，餐肉正常，味道虽然唔系最好，但整体加埋哂就好满足，总会想返黎再食。柠蜜脆脆 $18 好似饼干咁超脆口，食落有阵阵嘅柠檬香味，清新嘅柠檬酸加蜜糖嘅甜味配合得好好，超好食，之前食过咖央都系超出色，脆脆系呢到必食之一。 冻咸柠七 $20 试过一次之后，变左每次必点嘅饮品，以想不到会咁夹，咸柠檬嘅咸香，雪碧嘅甜，再加柠檬嘅酸，正，有齐清新开胃爽口嘅感觉。