你妳 (運通洋樓) (已結業)

今次同朋友黎到荃湾呢间你妳食台湾野，好多款式拣，极有台式café风格。我地三个人一共叫咗两碗干拌面，一碗鲁肉饭，一碟台湾士林香肠，一份夜市盐酥拼盘，一份芝士玉米蛋饼，两杯炭培乌龙珍珠奶茶同一杯芋泥珍珠小芋圆。先讲干拌面，配料有炸酱丶鲁肉丶溏心蛋丶青瓜同一小份刀削面，净面再捞埋咁多配料一齐食超级惹味；鲁肉饭d鲁肉煮到好淋，完全入口即溶咁，劲好送饭。而台湾士林香肠可以配埋蒜蓉嚟食，唔会太咸又食到香肠嘅肉味。芝士玉米蛋饼d芝士超级拉丝，有d似韩国个只拉丝芝士，味道浓郁得黎又唔会腻，超好食，可惜得四旧唔够食。而夜市盐酥拼盘就有盐酥鸡丶虾卷丶租不辣丶四季豆，全部都唔油腻又唔热气，炸到岩岩好，食完都唔担心会爆疮！上面既份量已经食到我地三个人都饱晒，完全食唔落仙草芋圆同特有既芋泥吐司，有d可惜。黎紧有机会一定会再返黎试佢地既甜食！