三希樓 (利舞臺廣場)

营业中

休息中

好耐冇去三希楼到食饭，真系好挂住佢嘅小菜。呢个时候当然要约齐班friend  去刷餐劲嘅😍😍一坐底就叫咗凉菜先，我地拣左夫妻肺片同麻辣豆干丝！夫妻肺片 - 🐮牛肉同牛内脏都切到好薄。一啖一块，加埋少少麻辣汁🌶️，非常惹味！麻辣豆干丝 - 🫘豆干有好香嘅黄豆味，同麻辣嘅味道配搭得啱啱好。正👍🏻主菜就叫左驰名樟茶鸭，青椒清香鱼同同水煮滑牛肉！驰名樟茶鸭 - 🦆肉质软腍，一啲都唔韧，加埋特制嘅酱汁🫙一齐食。味道非常正宗。值得推荐！青椒清香鱼 - 🫑青椒味好浓郁，但完全冇覆盖个鱼🐠嘅鲜味。好正呀！水煮滑牛肉 - 睇到咁多辣椒🌶️已经流晒口水！🐮牛肉味好重，同花椒同麻辣一齐嘅味道简直冇得顶！我超钟意❤️我地仲叫咗啲点心，分别系叉烧包，牛肚同枣茸千层糕！叉烧包 - 🐷叉烧包大大只，非常足料！啱啱蒸熟拎出嚟，大家一定要趁热食🔥！牛肚 - 🐮牛肚腌得好入味，仲要一啲都唔韧。好味！枣茸千层糕 - 味道唔算好甜，有好香嘅🌴红枣味。用呢个甜品黎做结尾，真系冇得输！👍🏻