陳漢記 (已結業)

一到冬天陈汉记煲仔饭门外总会有一条长长既人龙，伙记会一早问定你要咩煲仔饭，佢地就会开始整，到你入座后唔使再等好耐就有得食。一行二人叫左3样野，碎牛粥、炸两、仲有点少得腊肠排骨煲仔饭😋煲仔饭果然系无得输，香喷喷热辣辣，唔够豉油可以再问佢地拎既，如果一个人要食哂一个饭就会好腻，所以我地就再叫左碗粥同炸两。碎牛粥粥底够绵，不过可以叫碎牛加牛肉粥会更好，有d 咬口会更好。炸两比之前黎食既时候细条左好多，虽然味道依然，但因为细条左所以唔够口啰。