裕記大飯店

营业中

休息中

行完山就嚟远近驰名嘅裕记食烧鹅，原来一连有几间呢啲饭店，咁呢间名气最大就当然要试先。时间大概系6点，唔使等位，坐楼上，冷气好够，楼底有啲矮，似阁楼，上到去台已有一包饭店logo 纸巾，梅子酱同一碟花生，好旧式嘅感觉，纸巾我地唔要了，花生我都食得几多，因为好脆囗嘅👍点咗烧鹅例下庄，185蚊，碟都印咗logo😅 , 嚟到感觉似一只大脾，所以只鹅应该唔太大只，有啲肥，肉唔多，皮微脆，无我预期咁香，脾底下仲有半只鹅头嘅。另点咗杂菜粉丝煲，好清，无乜味，再加濑粉同粥，total 3xx埋单。走时劲多人等位啊，原来香港人咁钟意食烧鹅😲。